2018 senesi qural ay (mayıs) 24 künü Ukraina Prezidentiniñ Qırım MC Daimiy Temsilcisi Borıs Babin Ukrainada Özbekistan Cumhuriyetiniñ Müteşem ve Vekâletli Elçisi Alişer bey Abdualiyev ile körüşti. Semereli ve samimiy subet devamında Qırımdan sürgün etilip, Özbekistanda yaşağan vatandaşlarnıñ aq-uquqlarını qorçalav ve tiklev meseleleri boyunca işbirlikniñ ameliy yolları, özbek milletine mensüp olğan Ukraina vatandaşlarına ve Qırımdan memleken içinde köçken, ya da Qırımda qanuniy şekilde yaşağan Özbekistan vatandaşlarına Temsilcilik tarafından yardım imkânları muzakere etildi.