Meraqlanğan vekâletli şahıslarnı, alimlerni, mutehassıslarnı, matbuat vastalarnıñ vekillerini Qırımnen Donbas ile birlikte Ukraina topraqlarınıñ rusiye-bolşevik işğalcilerinden mustaqillik içün cenkniñ esnasında azat etilüviniñ ve zemaneviy ukrain devletiniñ Arbiy-Deñiz Quvetleriniñ teşkil etilüviniñ 100 yıllığına bağışlanğan ve ‘‘1917-1921 seneleri Ukrain inqlâbı 100 yıllığınıñ qayd etilüvi ve onıñ iştirakçilerini añılmasınen bağlı tedbirler’’ mevzusında Ukraina Prezidentiniñ 17/2016 sanlı emirine ve 2016 senesi ekim (oktâbr) 26 künü qabul etilgen Ukraina Nazirler Şurasınıñ ‘‘1917-1921 seneleri Ukrain inqlâbı 100 yıllığınıñ qayd etilüvi ve onıñ iştirakçilerini añılmasınen bağlı 2021 senesine qadar tedbirlerniñ planı’’ 777-р sanlı emirine binaen 1917-1921 seneleri Ukrain inqlâbı 100 yıllığınıñ qayd etilüvi çerçivesinde keçirilecek ‘‘Ukrainalı Qırımnıñ keçmişi ve bügüni’’ mevzusında tögerek masada iştirak etmege davet etemiz.

Ukraina Prezidentiniñ Qırım MC Temsilciligi tarafından teşkil etilgen ‘‘Ukrainalı Qırımnıñ keçmişi ve bügüni’’ mevzusında tögerek masa 2018 senesi çiçek ayı (aprel) 23 künü saat 12:00-de Herson şeerindeki Universitetska soqağınıñ 27 sanlı binasında Herson devlet universiteti negizinde keçecek.

Tögerek masanıñ teşkil etilüvi ve keçirilüvi boyunca kontakt şahıs Qırım MC işgalden azat etilüvi ve ğayrıdan integratsiası boyunca hızmetniñ baş mesleatçışı Pokidko Tetâna Viktorivna, tel. 0505545411