Cenübiy sıñırlarda Ukraina Baş Silâlı Quvetlerniñ Yuqarı komandanı – Ukraina Prezidentinıñ doğrudan-doğru idaresi altında Silâlı Quvetleriniñ eski zalp ateşi silâsına köre daa doğru nişanğa yetken ve böyleliknen 10 qat semereli yerli «Vilha» raketa kompleksiniñ sınavı boyunca muvafaqıyetli arbiy talimler keçti.

Ukraina Prezidenti Petro Poroşenko bu munasebet ile qayd etkenine köre, böyle keyfiyette silânıñ işlep çıqarılması ilk kere bu qadar qısqa müddet içinde teşkil etildi. Eki sene evelsi Ukraina Milliy havfsızlıq ve mudafaa Şurası raketa programmasını başlamağa avale etken edi, bügün ise muvafaqıyetli idmanlar bitti ve bu raketalarnen ordumıznı silâlandırmağa mümkün olacaq. Ukraina Arbiy Quvetleriniñ keyfiyetli silânen donatıluvı rusiye istilâsına, bu cümleden, vaqtınca işğal etilgen topraqlardan ücümine eñ güzel ameliy qarşılıq kösterüv ve bu topraqlarnı işğalden azat ete bilecek vastalardan biridir.