Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, Bütünukrain ”Ukraina 30” Forumı çerçivesinde 2021 senesi kiçik aynıñ 10-da Ukrainanıñ vaqtınca işğal etilgen topraqlarında COVİD-19 pandemiyasınıñ çağıruvlarına bağışlanğan munaqaşanı idare etti.
Böyle büyük Bütünukrain forumı çerçivesinde vaqtınca işğal etilgen topraqlardaki koronavirus infektsiyasınen bağlı vaziyetni muzakere etmemiz pek müimdir. Ne de olsa, 2020 senesiniñ başından berli bütün dünya mecburen etraf müitten ayırıluvda buluna. Amma bizim vatandaşlarımız – Ukraina vatandaşları – Qırım yarımadasında 2014 senesiniñ kiçik ayından berli, Donetsk ve Lugansk vilâyetleriniñ ayrı rayonlarına kelgende ise, 2014 senesiniñ çiçek ayından berli mecburen etraf müitten ayırıluvda bulunalar. Ve olarnıñ ögünde turğan ve bizim ögümüzde mında turğan bütün meşaqatlarğa koronavirus infektsiyasınen bağlı qıyınlıqlar da qoşuldı. Ukraina Prezidenti, Prezident taqımı ve Ukraina Prezidentiniñ Qırım Muhtar Cumhuriyetinindeki Temsilciligi içün vaqtınca işğal etilgen topraqlarda yaşağan Ukraina vatandaşlarınen bağ tutuv ilk nevbetteki vazifeler arasında qalmağa devam etecektir. Koronavirus infeksiyası ise böyle bağlarnı qorçalav ve olarnı semereli şekilde yerine ketirüv ceetinden ögümizde bir qaç ciddiy mesele köterdi. Bular,kiriş-çıqış nezaret etüv noqalarınıñ faaliyetinde sıñırlavlar, aşılama meselesi, tıbbiy hızmetler meselesidir. Vaqtınca işğal etilgen topraqlarda yaşağan Ukraina vatandaşları Ukraina olarnı qayğırğanını, olarğa yardım etmek içün qolundan kelgenini yapacağını bilsinler, buña inansınlar dep, biz bugün bütün bu meselelerni qonuşmacılarnen muzakere etemiz. Devlet organları, hususan Temsilciligimiz, şiddetli karantin devirinde bir ayda biñden ziyade muracaat qabul ete ediler. Böyle muracaatlarnıñ ekseriyeti Ukraina ile munasebetlernen bağlı edi. İşte bu kibi çağıruvlarnı biz bugün panel munaqaşa esnasında muzakere etemiz”, – dep qayd etti Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç.
”Qırım ve Donbas virusqa qarşı” panel munaqaşasında aşağıdaki şahıslar iştirak etti:
- Oleksiy Reznikov
Baş nazir muavini – Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazir - Matilda Bogner
BM teşkilâtınıñ insan aqları boyunca nezaret etici missiyasınıñ Başlığı / UN Human Rights Monitoring Mission - Sergiy Morgun
Ukraina Arbiy Quvetleri Tıbbiy Quvetler Komandanlığı Tıbbiy-sanitar idaresiniñ reisi (Ukraina Mudafaa nazirliginiñ Baş devlet sanitar ekimi) - Olga Skrıpnık
Qırım aq qorçalayıcı gruppa / Crimean Human Rights Group - Oleksandra Romantsova
Center for Civil Liberties / Cemiyet Aqları Merkeziniñ icra müdiri
Aşağıdaki bağlantı boyunca kiçik aynıñ 10-da keçirilgen munaqaşalar aqqında video levhanı baqıp çıqmağa mümkündir:
Forum.Ukraine30/videos/149547833560158/
Bütünukrain ”Ukraina 30” Forumı aqqında tafsilâtlı malümatnı https://ukraine30.com/ İnternet saifesinde tapa bilirsiñiz.