Eminmiz ki, qırımtatar tilini Google Translate hızmetine qoşuv qırımtatar tilinde laf etkenlerniñ sayısını arttırır, qırımtatar tili qullanılğan saalarnıñ kenişletmesi içün oñaytlı şaraitler yaratır, şu cümleden, onı etnik gruppasından tış çıqarıp, qırımtatar tiliniñ başqaları tarafından öğrenilmesini teşvik eter, neticede tamır qırımtatar halqınıñ ve umumen alğanda Ukrainanıñ medeniy saasına büyük isse qoşulacaqtır”, – dep izaatladı Baş nazir muavini Oleksiy Reznikov.
Ukraina Prezidentiniñ Qırım MC-de Daimiy Temsilcisiniñ muavini Tamila Taşeva ayrıca qırımtatarlarnı qırımtatar tiliniñ qorçalanması ve inkişif ettirilmesinde işbirlik yapmağa çağırdı.
”Tamır qırımtatar halqınıñ tilini inkişaf ettirmek, oña qol tutmaq, metin ve maqaleler yazğanda, cemiyette ve içtimaiy ağlarda bir-de-bir meseleni muzakere etkende onı qullanmaq kerekmiz. Akimiyet organlarınıñ vekilleri qırımtatar cemiyeti ile beraberlikte qırımatar tiline qol tutmaq içün strategik areketler yapmalı ve mütenasip teşebbüslerni yerine ketirmeli, şu cümleden, Google hizmetleri kibi zemaneviy alâqa vastalarını işletmeliler. Vikipediya mündericesiniñ qırımtatar tiline tercime etilmesi de pek müimdir”, – dep izaatladı Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlikniñ teşebbüsini Ukraina Prezidentiniñ Qırım MC-de Daimiy Temsilcisiniñ muavini Tamila Taşeva.