Бугунь Украина Гельсин шартнамесини ерине кетирмеге ярдым эткен, Украина ССД укъукъларны къорчалагъан ильк акълы тешкиляты олгъан, украин халкъынынъ азатлыкъ ичюн алып баргъан курешинде муим ер туткъан. Демократиянынъ пейда олувына озь иссесини къошкъан, инсанларнынъ акъ- укъукъларыны иззет этювине чагъыргъан ве Украина сербистлигини зорбалыкъсыз адалетли эм укъукълы усулнен эльде этюв ёлунда арекет эткен Украина группасынынъ тешкиль олунувынынъ 40-йыллыгъыны къайд этмекте.

Тамам 1976  сенесининъ ноябрь 9 укъукъкъорчалайыджылар Гельсин шартнамесини ве Меморандум №1 ерине кетирмеге ярдым этеджек Украина ичтимаий группасынынъ декларациясыны имзаладылар.

Декларация укъукъкъорчалайыджы тешкилятнынъ пейда олгъаныны, онынъ макъсад вевазифелерини айдынлата эди, оларнынъ эсасы- Гельсин  Меджлисинде иштирак эткен мемлекетлернинъ укюметлерини ве бутюн джиан джемиетини Украинадаки инсанларнынъ ве Совет Бирлигининъ башкъа мемлекетлеринде яшагъан украин халкъынынъ укъукълары зулум этильгенинен таныштырмакътыр.

Биринджи программ меморандумында комунистик тертибининъ кетирген зарарлары: геноцид ве этноцид, 1932- 1933 сенелернинъ ачлыгъы, УПАёкъ этюви, 1930 сенесининъ сиясий репресиялары, «исъянджи» урбаларына кийинген «чекистлер» тарафындан тынчлыкъсевер халкънынъ ольдюрюливи, руслаштырылув  киби айдынлатыла эди. Украинанынъ конституция къанунлары боюнджа ССМБ теркибинден чыкъмагъа акъкъы олгъаны да къайд этильмекте.

Украина гельсин группасынынъ пейда олынув юбилейни къайд этерек, биз укъукъкъорчалайыджыларнынъ тоталитар тертибине къаршы косьтерген кучь ве къудретини иззет этмектемиз, олар къоркъмаздан весикъаларны озь адлары иле  имзалагъенлар, совет къанунъларына ве ССДБ  имзалангъан халкъара укъукъ весикъаларына эсасланып, ачыкъ- айдын талап ве фикирлерни ифаде эткенлер.

Бугунь Украина вакътынджа ишгъаль шартларда яшамагъа меджбур олгъан ватандашларнынъ укъукъ ве азатлыкъларыны къорчаламакъ ичюн буюк иссе къошмакъта.

Украина ООН Баш Асамблеясына вакътынджа  ишгъаль этильген Къырым Мухтар Джумкъуриети ве Акъяр шеэри территориясында яшагъар инсанларнынъ укъукъ саасындаки вазиетине къыймет кесиджи оладжакъ резолюция проектини музакере этмек ичюн кирсетти.

Весикъа русие ишгъаль акимиети тарафындан вакътынджа ишгъаль олунгъан Къырымда яшагъан инсанларнынъ укъукълары зулум этильгенини тинымагъа  тевсие эте.