25 октябрь 2016 сенеси Херсонда Къырым Мухтатр Джумхуриетинде Украина Президентининъ Даимий Векили Украинада инсан укъукълары боюнджа ООН Незарет Миссиясынынъ меслеатчилеринен корюшти.
Корюшюв маалинде тарафлар вакътынджа ишгъаль этильген Къырым Мухтар Джумхуриети ве Акъяр шеэри территорияларында сиясий ве ичтимаий-икътисадий джерьянларынынъ инкишафыны музакере эттилер. Айрыджа, Киев Патриархатнынъ Украин Ортодокс Кильсесининъ Къырым епархиясы алдында пейда олгъан меселеси акъкъында лаф юрсеттилер.
Эм де, корюшюв кетишатында, Къырым Мухтар Джумхуриетинде Украина Президентининъ Векялетханеси тарафындан вакътынджа ишгъаль этильген Къырым ярымадасында Украинанынъ къыта къысымына кочькен ватандашларнынъ ичтимаий адаптациясына ярдымджы олгъан тедберлернинъ откерилюви ве ички кочьме шахысларнынъ укъукъ ве азатларыны темин этюв меселеси акъкъында къонуштылар.