Böyleliknen, arman ayı 9 künü saat 8:00-den başlap, arman ayı 30 kününece saat 08:00-ge qadar vaqtınca işğal etilgen Qırım Muhtar Cumhuriyeti ve Aqyar şeeri ile sıñırda yerleşken kiriş-çıqış nezaret noqtalarınıñ faaliyeti toqtatıla, olardan yalıñız aşağıdaki 

Ukraina vatandaşları ve olarnıñ qoranta azaları keçe bile:

▶️  vaqtınca işğal etilgen Qırım MC ve Aqyar şeerine ketkende – vaqtınca işğal etilgen Qırım Muhtar Cumhuriyeti ve Aqyar şeerinde yaşağanlar içün;

▶️  vaqtınca işğal etilgen Qırım Muhtar Cumhuriyeti ve Aqyar şeerini terk etkende – Ukraina Ükümetiniñ nezareti altında bulunğan topraqlarda yaşağanlar ve vaqtınca işğal etilgen Qırım Muhtar Cumhuriyeti ve Aqyar şeeri ile sıñırda yerleşken kiriş-çıqış nezaret noqtasından keçken soñ ”Evde areket et” elektron hızmeti vastasınen özüni etraf müitten ayırmağa razı olğan şahıslar içün;

▶️  milliy menfaatlarnı qorçalamaq, ya da halqara mecburiyetlerni yerine ketirmek maqsadınen vaqtınca işğal etilgen Qırım Muhtar Cumhuriyeti ve Aqyar şeerini ziyaret etip terk etken halqara müessiselerniñ ve gumanitar missiyalarnıñ vekilleri, olarnıñ naqliyat vastaları ve başqa mal-mülkleri içün.

🚘  Başqa yabancılar ve vatandaşlığı olmağan şahıslar vaqtınca işğal etilgen Qırım Muhtar Cumhuriyeti ve Aqyar şeerini terk etüvni Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlik ile uyğunlaştırmalılar.

🚙  Gumanitar sebepleri olğan Ukraina vatandaşları vaqtınca işğal etilgen Qırım Muhtar Cumhuriyetini ve Aqyar şeerini terk/ziyaret etüvni Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlik ile uyğunlaştırğan soñ, Devlet sıñır hızmetiniñ reisinden ruhset almalılar.