Ukraina Tış işler Naziriniñ muavini Sergiy Kislitsa, oktyabr 9 künü 2017 senesi UNESCO idare şurasınıñ Parijde 202-ci oturuşında çıqışta bulunıp, işğal olunğan yarımadada yüz bergen insan aq-uquqlarınıñ ciddiy bozuluvlarınıñ delillerini ketirdi ve Rusiye tarafından qanunsız şekilde işğal etilgen Qırım ve Aqyarnı azat etilmesi içün halqara cemiyetiniñ ğayretlerini birleştirmek muim olğanını qayd etti. «UNESCO zemaneviy dünyanıñ dinamik deñişmelerine diqqat etmeli. Teşkilâtnıñ büyük imkânlarını azamiy şekilde işletmeğe kerek. UNESCOnıñ 21-ci asırda meselelerni çezebilme qabiliyetini Qırımda doğrudan doğru közetüvniñ teşkil etmesi numayış eter», – dep qayd etti Sergiy Kislitsa.

Bu munasebetnen UNESCOnıñ idare şurasındaki Ukraina temsilcisi Ukraina ve UNESCOnıñ kâtibiyeti ile mesleatı neticesinde yüz bergen ilerilemege yüksek qıymet kesti.