Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermege devam ete.
Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:
”İgor Sikorsiy adına KPİ” Ukraina Milliy tehnika universiteti – ”GEANT” Avropa tasil ağına kirgen URAN Milliy ilimler akademiyası oquv yurtları ve institutları Devlet informatsion ağınıñ temel teşkilâtlarından biridir. Aynı vaqıtta universitet Ukrainada ”Superbilgisayar esaplamaları ve bilgileri merkeziniñ” meydanğa ketirilmesiniñ teşebbüsçisidir. QS ve Webometrics halqara reytinglerniñ malümatlarına köre, dünyanıñ eñ güzel 4% universitetlerine kirmektedir.
Azırlav kurslarına vesiqalar ilk yaz ayınıñ 1-den 29-ne qadar qabul etilecektir.
Azırlav kurslarında oquv ceryanı 2021 senesi ilk yaz ayınıñ 29-dan arman ayınıñ 31-nece devam etecektir.
Azırlav kurslarınıñ programmasında:
- Ukraina aliy oquv yurtlarına kirişke ve oquvğa azırlav.
- Medeniy, psihologik ve sportiv tebirlerni teşkil etüv.
- Bir ayda 4588,00 grivnâ miqdarında stipendiya ve yataqhanede bedava yernen teminlev.
Evelden qayd etilmek içün https://forms.gle/w42vvBxxyu7N3th39 bağlantısı boyunca yerleştirilgen formanı toldurmaq ya da bazarertesi-cuma künleri saat 09:00-dan 17:00 qadar (097) 628-06-22 cep telefonı vastasınen bağlanıp, mütehassıstan individual mesleat almaq kereksiñiz.
Universitetteki qabul etüv komissiyasınıñ adresi: 03056, Kıyiv şeeri,Politehniçna soqağı, 14 bina, 16 korpus, 122, 124 odalar.
İnternetteki saifesi: http://eqmi.kpi.ua/
Facebook: https://www.facebook.com/sdp.kpi
Instagram: https://instagram.com/kpi_pidgotovchi_kursy
е-mail: [email protected]