Temsilcilik vaqtınca işğal etilgen topraqlarda yaşağan gençler içün ilk yaz ayınıñ 29-dan arman ayınıñ 31-nece stipendiyalı eki aylıq azırlav kurslarını keçirecek 23 Ukraina aliy oquv yurtları aqqında malümat bermektedir.
Kelecek oquv yılına vaqtınca işğal etilgen topraqlarda yaşağan gençlerni azırlaycaq aliy oquv yurtlarından birini taqdim etemiz:
Taras Şevçenko adına Kıyiv milliy universiteti – araştırıcı faaliyetnen oğraşqan klassik universitet, Ukrainanıñ yetekçi ilmiy-oquv merkezlerinden biridir.
Taras Şevçenko adına Kıyiv milliy universitetinde keçirilecek azırlav kurslarınıñ programmasında:
- Ukraina aliy oquv yurtlarına kirişke ve oquvğa azırlav, mektepte elde etilgen bilgilerni bir tertipke ketirüv ve Universitette ders bergen ocalarnıñ yardımı ile mektep programmalarındaki nuqsanlarnı yoq etüvdir.
Azırlav kurslarında oquğan talebeler ukrain tili ve edebiyatı, Ukraina tarihı, riyaziyat ve ingliz tili kibi esas fenler boyunca 225 saat miqdarında lektsiyalar diñleycekler.
Oquv müddeti: 2021 senesi ilk yaz ayınıñ 29-dan arman ayınıñ 31-nece. - Studentler arasındaki göñülliler ve Universitetniñ Psihologik hızmeti abituriyentlerniñ ukrain müitine integratsiya etmelerine hızmet etecek, medeniy ve sportiv tedbirler, psihologik treningler teşkil etilecektir.
3. 4588,00 grivnâ miqdarında stipendiya ve universitetniñ Studentler şeerçigindeki yataqhanede bedava yernen teminlev.
ŞARTLAR:
Oquvğa umumiy orta tasilni alğan ve vaqtınca işğal etilgen Donetsk ve Lugansk vilâyetleriniñ ayrı rayonlarında, vaqtınca işğal etilgen Qırım MC ve Aqyar şeeri topraqlarında, çatışuv çizgisindeki mesken yerlerinde yaşağan gençler qabul etilecek.
Vesiqalar Taras Şevçenko adına Kıyiv milliy universiteti yanındaki ”Qırım-Ukraina” ve ”Donbas-Ukraina” tasil merkezlerinde 2021 senesi ilk yaz ayınıñ 1-den 29-nace qabul etilecektir.
Vesiqalarnı taqdim etüv, davetnamelerni aluv şartları aqqında malümat tasil merkezleriniñ İnternetteki saifelerinde yerleştirilgendir: https://vstup.knu.ua/#educational_center-1
Kurslar aqqında qoşma malümat:
Azırlav bölüginiñ İnternetteki saifesi: http://pv.univ.kiev.ua
Tel.: (044) 239-31-08; 521-35-82
Cep telefonı: (093) 746-18-65; (066) 263-70-12; (068) 604-47-43
Faks: (044) 239-32-63; 259-05-41
E–mail: [email protected], [email protected]
Facebook: Taras Şevçenko adına Kıyiv milliy universitetinde Ukraina vatandaşları içün azırlav bölügi https://www.facebook.com/pv.univ.kiev
Instagram: prep_department_knu
Telegram: https://t.me/prepdep_KNU