Rusiye Federatsiyasınıñ işğalci memuriyetleri tarafından Donetsk ve Lugansk vilâyetlerindeki kiriş-çıqış nezaret noqtalarınıñ faaliyeti sıñırlanğanı sebebinden vaqtınca işğal etilgen topraqlarda ve çatışuv çizgisiniñ etrafında yaşağan gençlerden oquvğa ve azırlav kurslarına kiriş vesiqalarını qabul etüv müddeti (evelden olğanı kibi 2021 senesi ilk yaz ayınıñ 20-nece degil de) ilk yaz ayınıñ 29-nace uzatıldı.
Hatırlatamız ki, vaqtınca işğal etilgen Qırım Muhtar Cumhuriyeti ve Aqyar şeeri topraqlarında yaşağan gençler stipendiyalı teminlevinen azırlav kurslarında iştirak etmek içün aşağıdaki adımlar yapmalı:
- Cedvelden istegen aliy oquv yurtunı (ileride – AOY) seçmeli – https://cutt.ly/InUPQo1.
2. Kelişken alâqa vastasını seçip, AOY muracaat etmeli, alınğan davetname ile KÇNN keçken soñ özüñizni etraf müitten ayırmañız şart degil. Alâqa vastaları bu yerdedir:https://cutt.ly/gnEWu5R.
3. KÇNN-dan keçkende, basılğan ya da elektron şeklinde olğan davetnamesini köstermeli, böyleliknen abituriyent ve onı ozğarğan şahıs öz-özüni etraf müitten ayırmaq talabından azat etilir.
4. Seçilgen AOY-na ilk yaz ayınıñ 1-den 29-nace kelip, aşağıdaki vesiqalarını şahsen tapşırmalı:
– ariza;
– pasportınıñ (doğuv aqqında şeadetnamesiniñ ya da şahısını tasdıqlağan bir-de-bir başqa vesiqasınıñ kopiyası);
– memleket içinde avuşqan şahıs sıfatında qayd etilgenine dair malümat kâğıdınıñ kopiyası
(mevcut olsa);
– bergi töleyicisini qayd etken kartınıñ qayd etüv nomerası (mevcut olsa);
– (3х4 ölçüde) 4 dane foto;
– tasil deklaratsiyası.
Diqqat! Azırlav kurslarında ağımdaki oquv yılında tolu umumiy orta tasilni alğan geçlerniñ oqumaq aqqı bardır. Azırlav kurslarında tek bir kere ve tek bir AOY oqumağa mümkün.
5. Diñleyici olıp, azırlav kurslarında ilk yaz ayınıñ 29-den başlap, arman ayınıñ 31-nece oqumaq.
Müim haber! Azırlav kurslarında oquğan diñleyiciler bir ayda 4588 grivnâ miqdarında stipendiya ala, yatakhanede yer ile temin etile ve medeniy-tasil, ruhiy ve sport tedbirlerine celp etile.
Azırlav kurslarında oquvnıñ neticesi olaraq diñleyici er bir fenden yekünleyici imtian tapşırmalı. İmtianlarını muvafaqiyetli şekilde tapşırğan diñleyici azırlav kurslarını keçkenine dair şeadetname alacaq.