2021 senesi ekim ayınıñ 8-de Qırım Platforması Ofisinde, Ukraina Prezidentiniñ Qırım Muhtar Cumhuriyetindeki Temsilciliginde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıçnıñ yolbaşçılığında vaqtınca işğal etilgen Qırım Muhtar Cumhuriyeti ve Aqyar şeeri topraqlarındaki medeniy mirasımız ”Hersones-Tavriya” Milliy qoruğını qorçalav meseleleri boyunca idareler arası iş muşaveresi olıp keçti.

Muşaverede Vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlik, Ukraina medeniyet ve haber siyaseti Nazirligi, Ukraina çetel işler Nazirligi, Qırım Muhtar Cumhuriyeti ve Aqyar şeeri Prokuraturası, 

Ukraina Milliy Polisiniñ Qırım Muhtar Cumhuriyeti ve Aqyar şeerindeki Baş idaresi, Ukraina havfsızlıq hızmetiniñ Qırım Muhtar Cumhuriyeti ve Aqyar şeerindeki Baş idaresi,Ukraina tışqı istihbarat hızmeti, em de ”Qırım strategik tedqiqatlar institutı” ve Regional Center for Human Rights kibi cemaat teşkilâtlarınıñ vekilleri iştirak etti.

Körüşüv iştirakçileri, vaqtınca işğal etilgen Qırım Muhtar Cumhuriyeti ve Aqyar şeeri topraqlarında işğalci devletniñ qanunsız areketleri neticesinde UNESCO Bütündünya asabalıq abidesi olğan ”Hersones-Tavriya” Milliy qoruğı etrafında yüz bergen vaziyetni, vaqtınca işğal etilgen topraqlarda medeniy miras obyektleri üzerinde hususiy ve uquqiy şahıslarnıñ qanunsız areketleri sebebinden Ukraina uquq qorçalav organları tarafından açılğan kriminal davalar boyunca alınıp barılğan taqiqatlarnıñ vaziyetini muzakere ettiler, em de ”Hersones-Tavriya” Milliy qoruğını qorçalamaq maqsadınen kelecekte qullana bilecek milliy ve halqara qorçalav tedbirler ve vastalar boyunca tekliflerini uyğunlaştırdılar.

Tedbir iştirakçilerine, vaqtınca işğal etilgen Qırım Muhtar Cumhuriyeti ve Aqyar şeeri topraqlarında Rusiye Federatsiyasını temsil etken işğalci akimiyet tarafından nezaret etilmeyip yoq etilgen Ukraina medeniy asabalıqnı qorçalav boyunca alıp barğan faaliyetleri içün minnetdarlığımıznı bildiremiz.