Boş aynıñ 5-de Ukrainada resmiy ziyaret ile bulunğan Avropa Şurasınıñ Baş kâtibi Mariya Peyçınovıç-Burıç ve Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, Ukrainanıñ Avropa Şurasında Daimiy Temsilcisi Borıs Tarasük, Ukraina çetel işler Naziriniñ birinci muavini Emine Caparova ve Ukraina eyyetiniñ diger azaları vaqtınca işğal etilgen Qırım yarımadası ile memuriy sıñırdaki ”Qalançaq” KÇNN-nı ziyaret ettiler.
Musafirler ”Qalançaq” KÇNN-nıñ hızmet ve rejim bölükleriniñ faaliyetleri ile tanış oldılar.
Hususan,
musafirler keçken seneden başlap KÇÇN-da çalışqan ve vaqtınca memuriy sıñırdan keçmege mecbur olğan insanlarğa oñaytlı şekilde memuriy hızmetlerni bergen Memuriy hızmet merkezini ziyaret ettiler.
vatandaşlar öz özüne hızmet etüv terminallar vastasınen qabulğa yazıla, memuriy hızmetler içün töley ya da qısqa nevbet vastasınen uzaqtan İnternet saifeden qabulğa yazıla bile.
Bundan ğayrı, eyyet azaları Qırımdan memleket içinde avuşqan şahıslarnen, cemaat sektorınıñ vekillerinen ve Qırımtatar Milliy Meclisinen körüşti.
Faydalı bağlantılar:
– ”Qalançaq” KÇNN-da Çaplınka birleşken territorial cemiyetindeki Memuriy hızmet merkeziniñ uzaqtaki iş yerleri
– ”Çonğar” KÇNN-da Novotroyitsk köy şurasındaki Memuriy hızmet merkeziniñ uzaqtaki iş yerleri
Foto – Pavel Kulik