2018 senesi fevral 13 künü Ukraina Prezidentiniñ Qırım MC Daimiy Temsilcisi Boris Babin vaqtınca işğal etilgen Qırımğa ve Qırımdan ayvan ve ösümliklerni ketirme meselesi boyunca keñeş keçirdi. Keñeşte Devlet sıñırında ve naqliyatta devlet sanitar-veterinar nezareti boyunca Odessa ve Dnepr boyu hızmetleriniñ vekilleri ve Aşayt mallarnıñ havfsızlığı ve istimalcilarnıñ qorunması boyunca Ukraina devlet hızmetiniñ Herson vilâyetindeki Baş idaresiniñ vekilleri iştirak etti.
Keñeş iştirakçileri bügünki şaraitlerde vaqtınca işğal etilgen Qırımğa ve Qırımdan ayvan ve ösümliklerni ketirme saasında vaziyetni muzakere ettiler. Devlet sanitar-veterinar nezareti boyunca hızmetniñ vekilleriniñ KÇNN-da yerleşüvi meselesi baqıldı. Ayrıca 2017 senesiniñ devamında Dnepr boyu hızmetiniñ vekilleri tarafından ‘’Çonğar’’ KÇNN-da vaqtınca işğal etilgen topraqlardan ayvanlarnıñ ketirilüvini yasaq etken 300-den ziyade akt yazılğan arada, Odessa hızmetiniñ temsilcileri ‘’Qalançaq’’ ve ‘’Çaplınka’’ KÇNN-da iç bir böyle akt imzalamağanarı qayd etildi.
Toplaşuvnıñ devamında KÇNN-dan ayvan ve ösümliklerniñ keçirilmesi içün esas olğan normativ aktlarnıñ cedveli baqıldı. Vatandaşlarnıñ gumanitar ihtiyaçlarına riayet etmek maqsadınen, kerekli veterinar-sanitar nezareti ve hafsızlıq tedbirlerini köz öğüne alıp, Qırımdan satılacaq mal olmağan ev ayvanlarını keçirüv qaidelerini tertip etmege kerek olğanı qayd etildi.
Keñeşniñ iştirakçileri bügünki şaraitlerde işğal olunğan Qırımğa ve Qırımdan mal olaraq ösümlikler keçirilmegeni içün fitosanitar nezareti vesiqalarnıñ resmiyleştirüvinde amelde ihtiyac olmağanını qayd ettiler.
Muşavereniñ neticesi olaraq Devlet sıñırında ve naqliyatta devlet sanitar-veterinar nezareti boyunca Odessa ve Dnepr boyu hızmetleri ve Aşayt mallarnıñ havfsızlığı ve istimalcilarnıñ qorunması boyunca Ukraina devlet hızmetiniñ Herson vilâyetinde Baş idaresi Temsilcilikke KÇNN-dan ayvan ve ösümlikierniñ keçirilüvi, em de vaqtınca işğal etilgen Ukrainanıñ Qırım topraqlarında epizootik ve fitosanitar vaziyet aqqında muntazam sürette haber etmege vade ettiler.
Vatandaşlarnıñ gumanitar ihtiyaçlarına riayet etmek maqsadınen vaqtınca işğal etilgen Qırımdan ayvanlarnıñ keçirilüvi boyunca nevbetteki keñeş devlet veterinar-sanitar nezareti organlarnıñ vekilleri ile mütenasip algoritmlerniñ işlep çıqarılması çerçivesinde keçirilecek.