Oktâbrniñ 8-nde saat 13:00-da Ukrayina Media Merkezinde, Boris Grınçenko soqağı, 9 adresi boyunca Temsilcilik ile Qırım Muhtar Cumhuriyeti ve Aqyar şeeri Prokuraturasınıñ “Qırımda arbiy cinayetler” media leyhasınıñ taqdim etilmesi munasebetinen media brifing keçirilecek.
Leyha adiy sözlernen arbiy cinayetler ne olğanını, bu kategoriyağa işğalcilerniñ nasıl areketleri kirgenini ve zarar körgenler öz aqlarını nasıl etip qorçalap olğanını añlatmaq içün ömürge keçirildi.
Brifingte iştirak etecekler:
- Olga Kurışko, Daimiy Temsilci
- Vitaliy Sekretar, Qırım Muhtar Cumhuriyeti ve Aqyar şeeri Prokuraturası reberiniñ birinci muavini
- Ahtem Seitablayev, “Qırım evi” müdiri
Brifing vaqtında muzakere etilecekler:
- Vaqtınca işğal etilgen topraqlarda qayd etilgen esas cinayetler (sürgün etüv, mülkiyet saasında bozuvlar, mecburiy seferberlik);
- taqip etilgen vatandaşlar içün areketler algoritmi: qayerge muracaat etmek, delillerni nasıl saqlamaq, tazminat imkânları;
- muhtariyetniñ uquq qoruyıcı organlarınıñ işğalci akimiyetniñ cinayetlerini belgilegen ve vatandaşlarnıñ muracaatlarına cevap berüv faaliyeti;
- malümat tarqatuv şekilleri: videorolikler, içtimaiy reklama, hatırlatmalar ve vatandaşlarnen körüşüvler;
- qabaatlılarnı mesüliyetke çeküv halqara esnaslarında arizacılarnıñ rolü.