Abituriyentler, 2025 senesi aliy tasil almaq içün oquşqa qabul etüv tertibine ve Ukraina Tasil Nazirliginiñ 271-ncı qararına uyğun olaraq, Ukraina aliy, ihtisasiy ve ihtisasiy tasil müessiselerinde qabul etüvniñ hususiy şartlarına köre oquv yurtlarına qayd etile bileler.
Abituriyentlerni neler bekley?
- Milliy çoq maddelli testsiz (NMT) kiriş;
- Onlayn kiriş imkânı;
- Ukraina vesiqalarınıñ olmağanını diqqatqa alğan protsedura;
- Büdjet yerleri ve stipendiya;
- Gizlilik ve kiriş vaqtında destek;
- Yataqhanege bedava yer alma imkânı;
- Avropa memleketlerinde tanılğan diplom;
- Halqara deñişüv programmaları imkânları.
Ne yapmaq kerek?
- Bölük ve aliy tasil yurtunı seçip al;
- Oquv yurtunda çalışqan “Qırım-Ukraina” ya da “Donbas-Ukraina” tasil merkezine muracaat eti (bağlantılarnı seçilgen müessiseniñ saytında tapmaq mümkün).
Merkezler vaqtınca işğal etilgen Qırım Muhtar Cumhuriyeti ve Aqyar şeeri, Lugansk, Donetsk, Harkiv, Zaporijja ve Herson vilâyetleriniñ, em de cebege yaqın olğan yerlerniñ bütün sakinlerine yardım etmekte.
- Vesiqalarnı berip, ukrain tili, Ukraina tarihı ve profil feninden imtianlarnı tapşır. Vesiqalarnı berüv ve imtianlarğa kirüv em şahsen, em de uzaqtan yapıla bile.
Tasil merkezi ukrain tili ve Ukrainanıñ tarihı boyunca devlet yekün attestatsiyasınıñ, em de mektep tarafından vekâletlengen vesiqalarnıñ er yıllıq qıymetlendirilmesine yardım ete.
- Oquşqa kirip, bedava yataqhane, derslikler, stipendiya ve halqara deñişim tecribesini almağa imkânına saip ol.
Tafsilâtlı malümat: https://www.osvita-tot.com/
Materiallar “Şarq SOS” hayriye fondu, Almenda SMPH cemaat teşkilâtı, “Donbas SOS” cemaat teşkilâtı, “QırımSOS” cemaat teşkilâtı, Ukraina Yuqarı Şurasınıñ insan aqları boyunca Vekiliniñ, Ukraina Tasil ve ilim nazirliginiñ, Ukraina Prezidentiniñ Qırım Muhtar Cumhuriyetindeki Temsilciliginiñ, V.I. Vernadskiy Tavriya Milliy universitetiniñ taqımları tarafından azırlandı.