2016 senesi mayısnıñ 24-nde vaqtınca işğal etilgen Bağçasarayda Bütündünya qırımtatar kongressiniñ icra komitetiniñ azası Ervin İbragimov hırsızlandı.

O aqşam Ervin İbragimov işten soñ evge qaytayatır edi. Soñki sefer onı Bağçasaray soqaqlarından birinde körgenler, anda rusiye quvetçileriniñ formasını kiygen belli olmağan adamlar, onıñ maşinasını toqtatqan. Hırsızlav vaqtını nezaret kameraları qayd etti.  Nezaret kameraları adamlarnıñ Ervinni zornen mikroavtobusqa çekkenini qayd etti. Bundan soñ onıñ ile bağ kesildi, onıñ bulunğan yeri ise alâ daa belli degil.

Qırımnıñ işğal etilmesinden evel Ervin İbragimov cemaat faaliyetinen oğraşa edi, Bağçasaray regional meclisiniñ azası edi ve Ukrayinanıñ topraq bütünligini destekley edi. 2014 senesinden soñ faaliyetini toqtatmayıp, siyasiy mabüslerniñ ve taqip qurbanlarınıñ ailelerine yardım ete edi. Ervin İbragimov Qırımda insan aqlarınıñ bozuluvı aqqında açıqtan-açıq aytqan ve Rusiye işğalci memuriyetiniñ daimiy basqısı şaraitinde qırımtatar cemiyetine qol tutqanlardan biri edi.

Ervin İbragimovnıñ adı Qırımdaki adalet ve aqiqat oğrunda küreşniñ timsali oldı. Qorantası, dostları ve cemaatçılıq onıñ taqdirini belgilemege ve hırsızlavda qabaatlı olğanlarnı cezalamağa talap etmege devam ete.

Bugün rusiye federatsiyası siyasiy sebeplerden yapılğan taqip, qanunsız tutuluv ve Qırımdan zorbalıqnen ğayıp oluvlarnı devam ettire. Ukrayina ve halqara toplulıq Ervin İbragimovnıñ taqip etilmesini ve qabaatlılarnıñ mesüliyetke çekilmesini talap etmege devam ete.