Saban ayınıñ 31-de kütleviy matbuat vastalarında ”Gramota” neşriyatında 2017 ve 2018 seneleri neşir etilgen umumtasil orta meklepleriniñ 9 sınıfları içün ”Ukraina tarihı” dersliginde (müellifi O.K. Strukeviç) ve umumtasil orta meklepleriniñ 10 sınıfları içün ”Ukraina tarihı” dersliginde (müellifi O.K. Strukeviç) yañlış Ukraina haritaları bulunğanı, hususan vaqtınca işğal etilgen Qırımnıñ kösterilmegeni aqqında haberler peyda oldı.
Temsilcilik deral Ukraina tasil ve ilim Nazirligine işbu vaziyetke qıymet kesmek ve mektep dersliklerindeki yañlış Ukraina haritalarını tüzetmek ricasınen muracaat etti. Temsilcilikniñ noqta-i nazarı açıq-aydındır – Ukrainanıñ vaqtınca işğal etilgen topraqları hususan mektep dersliklerinde mıtlaqa numayış etilmelidir. Ukrain balaları Qırımnıñ Rusiye tarafından arbiy vastalarnen işğal etilip tutulğan Ukraina toprağı olğanını añlamalılar.
Bugün Temsilcilikke ”Tasil mündericesini zemaneviyleştirüv instıtutı” Devlet ilmiy müessisesinden cevap kelip çıqtı, mektüpte haber etilgenine köre, vekâletli devlet organları yüz bergen vaziyet munasebetinen kerekli tedbirlerni aldı. İnstitutnıñ talabına binaen ”Gramota” neşriyatı Ukraina haritasındaki işaretlemeni deñiştirgen ve İnstitutnıñ elektron kitaphanesinde elektron şekilinde yerleştirilecek dersliklerniñ yañı variantını azırlağan.
Yañı işaretlemesi olğan dersliklerniñ elektron şekili ”Tasil mündericesini zemaneviyleştirüv instıtutı” Devlet ilmiy müessisesiniñ elektron kitaphanesinde yerleştirilgen (9-ncı sınıf – http://surl.li/pgne ve 10-ncı sınıf – http://surl.li/pgsp).
”Gramota” neşriyatı İnstıtutqa taqdim etken yañı işaretlemelerge binaen al-azırda neşir etilgen dersliklerge de deñişmeler azırlağan. 9-nci ve 10-nci sınıfları içün derslikler içün yañı işaretlemeler neşir etilip, al-azırda tasil müessiselerinde bulunğan dersliklerniñ mütenasip saifelerine qoşulması/yapıştırılması içün Kıyiv şeer devlet memuriyetindeki, Ukraina vilâyetlerindeki tasil ve ilim bölüklerine (idarelerine) yollanılacaqtır.
Vatandaşlarımızğa muracaat etip, Ukraina devlet sıñırları yañlış işaretlengen, hususan Qırım Muhtar Cumhuriyeti ve Aqyar şeeri unutılğan, ya da Qırım yarımadası qanunsız şekilde başqa devletlerniñ sıñırları içerisinde kösterilgen allarda bizge haber etmelerini rica etemiz. Temsilcilik böyle vaqialarğa qıymet kesip, olarnıñ eñ yaqın vaqıtta çezilmesine hızmet etecektir.
Mütenasip malümat ile Temsilcilikke aşağıdaki vastallarnı qullanıp muracaat etmek mümkün:0 800 502 192, +38 (0552) 49-59-39;
Skype: ark predstavnictvo,
e-mail: [email protected],
https://www.facebook.com/ppu.gov.ua
Açıq menbalardan alınğan fotoresim