Bu, çeşit türlü menbalardan Rusiye Federatsiyası tarafından Qırım yarımadası, qısmen Donetsk ve Lugansk vilâyetlerindeki Ukraina topraqlarını işğal etilüvi devamında yüz bergen adiseler, bozuluvlar ve insanlar aqqında teşkerilgen malümat toplağan birinci internet portalıdır.

Menba ukrain ve ingliz tillerindedir. Al-azırda menbada şaatlarnıñ delilleri, arhiv ve sözlü tarihiy malümatlar, matbuat vastalarınıñ haberleri, halqara teşkilâtlarnıñ qararnameleri ve beyannameleri mevcuttır.

İleride internet portalı Ukraina şarqında Rusiye Federatsiyası tarafından başlatılğan cenk aqqındaki malümatlarnen de toldurılacaqtır.

Rusiye istilâsı virtual muzeyiniñ taqdim etilüvine aşağıdaki iştirakçiler davet etildi:

• Ukraina medeniyet ve haber siyaseti Naziri Oleksandr Tkaçenko,
• Ukraina çetel işler Naziri Dmıtro Kuleba,
• Ukraina milliy hatıra institutınıñ başlığı Anton Drobovıç,
• Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç,
• Qırım MC ve Aqyar şeeri prokuraturasınıñ prokurorı İgor Ponoçovnıy,
• ”Renaissance” Halqara fondunıñ müdiri Oleksandr Suşko,
• ”Prometey” telükesiz müitni tedqiq etüv merkeziniñ icra müdiri Alina Mayorova.

Yerlerniñ miqdarı sıñırlı olğanı sebebinden matbuat vastalarına aşağıdaki bağlantı boyunca qayd etilmege rica etemiz: https://forms.gle/xcbzesdGcXrGZzRk7.

Rusiye istilâsı virtual muzeyi Ukraina milliy hatıra institutı, Ukraina Prezidentiniñ Qırım Muhtar Cumhuriyetindeki Temsilciligi, Baş prokurorı ofisi, Qırım Muhtar Cumhuriyeti ve Aqyar şeeri prokuraturası, ”Renaissance” halqara fondu, ”Prometey” telükesiz müitni tedqiq etüv merkezi Prometheus Center teşkilâtlarınıñ birleştirilgen ğayretlerinen meydanğa ketirildi.

#QırımUkrainadır #UkrainaPrezidentiniñQırımMCTemsilcilgi #QırımPlatforması #CrimeaPlatform #Ukraina #Ukraine #Qırım #Crimea