Yanvarniñ 20-nde Avropa İnsan Aqları Mahkemesi (AİM) “Bekirov ve başqaları Rusiyege qarşı” (“Bekirov and Others v. Russia”) davasında qarar çıqardı, qararda Qırımdaki insan aqları vaziyeti içün Rusiyeniñ mesülietli olğanı qayd etile.

Hususan, davada çoqusı qırımtatarı olğan Qırımnıñ 43 yerli sakininiñ yarımadadaki barışıq narazılıq aktsiyalarında iştirak etmelerinen bağlı vaqialar yer almaqta. Bu toplaşuvlarda iştirakçiler öz ukrayin taraflı pozitsiyasını, em de işğalci idaresiniñ siyasetine ve Qırım sakinleriniñ sistemalı taqiplerine razı olmağanlarını açıqtan-açıq bildirmege tırışa ediler. Lâkin olar özleriniñ kefalet etilgen barışıq toplaşuv serbestligi aqqını qullanmaq yerine, qanunsız taqipke oğradılar ve mahküm etildiler.

Arizacılar YESPÇ-ge muracaat etip, işğalci idaresi olarnıñ barışıq toplaşuv aqqını kerçekten de bozğanını bildirdi. Mahkeme qararınen olarnıñ aqlı olğanı belgilendi. Mahkeme aynı vaqıtta Rusiye işğalci akimiyetiniñ, şu cümleden Rusiyeniñ içki qanuncılığına esaslanğan politsiyanıñ ve sözde “mahkemelerniñ” areketleri İnsan aqları ve esas serbestliklerni qorçalav konventsiyasına zıt kelgenini qayd etti.

“Bekirov ve başqaları Rusiyege qarşı” davası silâlı çatışma ile bağlı olğan ayrı işlerniñ esas ceetten birinci qarar oldı, em de arizacılarğa kelecekte kompensatsiya almaq imkânını aça. Qarar aqqında daa tafsilatlı malümatnı bu bağlantı keçip, tapmağa mümkün: https://cutt.ly/DtzkCb29.