Mayısnıñ 22-nde Daimiy Temsilciniñ muavini Denıs Çıstikov ”Quran-i Kerim. Muqaddes Quran” sergisiniñ açılışına qoşuldı. Sergi, Ukrayina tarihınıñ Milliy müzeyi hazinesinde ötkerildi.

Sergi vaqtında on doquzıncı ve yigirminci asırnıñ başında yazılğan 12 Quran, em de sürgünlikte qırımtatarlarnıñ Qurandan dualarını ve surelerini yazğan elyazma defterleri taqdim etildi.

Quranlar arasında 20-ncı asırnıñ başında basılğan ve qırımtatar yazıcısı İsmail Gasprinskiyniñ kitaphanesinde çıqarılğan birinci Quranlardan biri de taqdim etildi. Bundan da ğayrı, daa 20-nci asırnıñ başında Qırımda alınğan ve 1944 senesi sürgünlik vaqtında çıqarılğan Quran da bar edi. Yıllar devamında o, pek çoq zarar körgen ve belli bir vaqıt devamında yerli imamda saqlanğan. 2019 senesi onı Lvivdeki Muhammad Aliyev adına İslam diniy merkezine bağışladılar, o, bugünge qadar anda bulunmaqta.

Sergi açılışını ”Umma” Ukrayina musulmanlarınıñ diniy idaresiniñ müftisi şeyh Murat Suleymanov ve başqa qırımtatarlar yaptı, tedbirni Ukrayina tarihınıñ Milliy müzeyi Hazinesiniñ ilmiy hadimi, qırımtatarlarnıñ tarihı ve medeniyeti tetqiqatçısı Oleksiy Savçenko alıp bardı. Tedbirge Milliy Meclis reisi Refat Çubarov, qırımtatar lideri Mustafa Cemilev, Medeniyet naziriniñ birinci muavini İvan Verbıtskıy, diplomatlar ve qırımtatar halqı temsilcileri qoşuldı.

Sergi oktabr ayına qadar devam etecek. Mıtlaqa ziyaret etiñiz ve qırımtatar medeniyetiniñ bu degerli parçasınen tanış oluñız.