Yanvarniñ 29-nda Daimiy Temsilciniñ muavini Denıs Çıstikov, “Keçiş adalet mehanizmlerini ömürge keçirüvde eñ semeleri tecribeler ve vazifeler” muzakere platforması çerçivesinde ötkerilgen “Zarar körgen şahıslar içün kefaletler ve çatışmalardan soñ tertiplev teminlenmesi içün umumdevlet ve yerli siyasetlerniñ şekillenmesi” adl panel muzakeresinde iştirak etti.

Denıs Çıstikov öz çıqışında, Ukrayina kerçekte adaletni tiklev ve vaqtınca işğal etilgen topraqlarnıñ reintegratsiyası boyunca ağır ve uzun yolnıñ tek başında olğanını qayd etti.

“Önümüzdeki işniñ kölemini añlamaq kerekmiz. Bugünki künde esas vazife – vaqtınca işğal etilgen topraqlarğa ait devlet siyasetiniñ açıq tasavvurını şekillendirmektir, böyleliknen epimiz bir yönelişte areket eteyik ve işğalden zarar körgen insanlarğa diqqatımıznı eksik etmeyik”.

Daimiy Temsilciniñ muavini, ayrıca, yarımadada cemaat akimiyetini tiklev boyunca strategik ğayeni şekillendirüvde Temsilciniñ de faal çalışmalarını qayd etip, Qırım Ukrayinanıñ vaqtınca işğal etilgen topraqları arasında devlet akimiyet organları köçürilmegen yekâne bölge olıp qalğanını ve Avropa integratsiyası bağlamında vaqtınca işğal etilgen topraqlar ile bağlı siyasetni şekillendirüvde Temsilcilikniñ rölü artqanını ifade etti.

Çıqışınıñ soñunda o, vaqtınca işğal etilgen topraqlarda yaşağan insanlar, em de o bölgelerden köçip ketmege mecbur olğanlar devlet siyasetiniñ merkezinde olmaq kerekligini qayd etti.