8 yıl devamında qanunsız şekilde apiste bulunğan qırımtatarı Refat Alimov azat etildi. Bu aqta onıñ advokatı haber etmekte.

2016 senesi Refat Alimov “Qırım musulmanları davası” boyunca işğalciler tarafından tevqif etilgen edi. O vaqıt rostov-na*donu mahkemesi Alimovğa qanunsız şekilde 8 yıl apis cezası çıqarğan edi.

Apisten çıqqan Refat Alimov başqa siyasiy mabüslerge yardım etmege niyetini bildirdi, çünki bir çoq qırımtatarı serbestliginden marum etilip, rusiyede ve vaqtınca işğal etilgen Qırım apishanelerinde qanunsız şekilde tutulmağa devam ete.