Temsilcilik aqqında

Ukraina Prezidentiniñ Qırım Muhtar Cumhuriyetindeki Temsilciliginiñ devlet hızmeti meselelerinden yolbaşçılıq yapmaqtadır.

Hızmet Qırım platformasınıñ faaliyeti çerçivesinde mesleatlaşuv, konsalting, malümat ve diger desteklendirüv, leyha ve tedbirlerniñ ömürge keçirilmesi saasında çalışa, em de böyle faaliyetniñ diger akimiyet organlarınen ve Qırım platformasınıñ ekspertler ağınen koordinatsiyasına yardım ete. Bölük Qırım Muhtar Cumhuriyeti ve Aqyar şeeriniñ aza etilüv ve reintegratsiya meselelerini teşviqat ve taqdim etüv boyunca ekspert ve informatsion işlernen oğraşıp, halqara ükümetlerara teşkilâtlarnen işbirlikni pekite. Vaqtınca işğal etilgen Qırım Muhtar Cumhuriyeti ve Aqyar şeeriniñ azat etilüv ve reintegratsiyası boyunca halqara tedbirlerniñ ömürge keçirilmesinde küçlerni birleştirmek içün devlet ve devletke ait olmağan sektorlarda ortaqlıqlarnıñ arttırılmasına yardım ete.

Bölük vaqtınca işğal etilgen Qırım yarımadasında yaşağan Ukrayina vatandaşlarına ve yarımadadan köçip ketkenlerge mesleat berüv faaliyetinen oğraşa. Bölük aynı vaqıtta Temsilcilikniñ vesiqa işlerini taqip ete, elektron ve kâğıt vesiqa almaşuvını kerçekleştire, vesiqalarnıñ arhivlenmesini teminley.

Bölük matbuat hızmetiniñ vazifelerini becere ve Temsilcilikniñ faaliyetini haber saasında aydınlatuv esnasında çalışa, matbuat vastalarınen semereli tesirleşme teminley. Bölük vaqtınca işğal etilgen topraqlarsda yaşağan ya da vaqtınca işğal etilgen topraqlardan köçip kelgen ve Ukrayinanıñ başqa bölgelerinde bulunğan Ukrayina vatandaşlarınen bildirişüv sistemasınıñ inkişaf ettirilmesinde iştirak ete. Ondan da ğayrı, bölük cemaatçılıqnı, şu cümleden halqara cemiyetni vaqtınca işğal etilgen Qırım Muhtar Cumhuriyeti ve Aqyar şeerindeki vaziyet aqqında haberdar etüvnen oğraşa, Temsilcilikniñ bildirişüv strategiyasını, onıñ ömürge keçirilmesi boyunca tedbirler planını işlep çıqara ve olarnıñ yerine ketirilmesini kontrol ete.

Bölük Temsilcilikniñ şimdiki faaliyetini analitik teminlev, Daimiy Temsilci ve onıñ muavinleriniñ işini analitik desteklev, esas faaliyetniñ meseleleri boyunca Temsilcilikniñ bildirmelerini sekillendirüvnen oğraşa. Bundan da ğayrı, Temsilcilik vaqtınca işğal etilgen Qırım Muhtar Cumhuriyeti ve Aqyar şeeri topraqları ile Ukrayinanıñ diger bölgelerindeki vaziyetniñ nezaretini ve Ukrayina devlet organlarınıñ vaqtınca işğal etilgen Qırım Muhtar Cumhuriyeti ve Aqyar topraqlarında nisbeten faaliyetiniñ nezaret etilmesini temin ete.

Bölük Temsilcilikte devlet bücet siyaseti ömürge keçirilmesininiñ teminlenmesi, planlaştıruv ve maliyet işiniñ teşkil etilmesi ve koordinatsiya etüv ile Temsilcilikniñ maliyet-iqtisadiyet faaliyetiniñ esabını alıp baruv içün mesüldir. Bölük qanun talaplarına köre Temsilcilikniñ ihtiyacları içün devlet paraları çerçivesinde maddiy ve tehnikiy destek teminlemektedir.

Bölük Temsilcilikniñ uquqiy faaliyetiniñ teşkil etilmesi, iddia ve dava esnaslarınıñ alıp barılması, Daimiy Temsilciniñ ve Temsilcilikniñ faaliyetini uquqiy desteknen teminlemev saasında çalışa. Bölük aynı vaqıtta Ukrayina Prezidentiniñ işğalden azat etüv ve reintegratsiya aqqında qanun leyhaları ve aktları tekliflerini işlep çıquv üzerinde de faaliyet köstermekte.