1944 senesi sovet akimiyeti insaniyetke ve medeniy milletlerniñ esaslarına zıt kelgen daa bir cinaiy niyetini yerine ketirmege başladı. Lvovda yaşağan alim Rafal Lemkin totalitar rejimler qırımtatarlarğa, yeudilerge ve ukrainalılarğa qarşı yapqan açıq-aydın cinayetlerni, kütleviy öldürüvni işbu 1944 senesi dünyada birinci olaraq genotsid dep adlandırğanı tesadüf degil edi.

Sürgünlik yılları devamında qırımtatar halqınıñ biñlernen qurbanları ve imperialistik sovet birligi tarafından muntazam şekilde yapılğan ayırımcılıq insanlıqnıñ hatırasında ebediyen qalacaqtır. Tarihni yañıdan yazmaq, halqara cınayetlerniñ tasdıqlarını yoq etmek, sürgünlikniñ teşkilâtçılarını ve icracilerini aqlamaq kibi şimdiki Rusiye işğalci akimiyetniñ ıntıluvları ise daa bir halqara cinayettir ve onıñ cezası da mıtlaqa olacaqtır. Amma yalıñız Qırımnıñ işğalden azat etilüvi qırımtatar halqını yoq etmege niyetlengen rusiye imperialistik devletiniñ daimiy maqsadını toqtata bile.

Eminmiz ki, qırımtatar halqınıñ sürgünliginde iştirak etkenlerlerniñ, qırımtatarlarnı yarımadadan 1944-1989 seneleri tekrar sürgünlikke oğratqanlarnıñ ve bu cümleden Ukrainanıñ nezareti altındaki topraqlarda yaşağanlarlarnıñ areketlerine ukrain mahkemesi daa lâyıq qıymet keser. Sürgün etilgen şahıslar aq-uquqlarınıñ qorçalavı boyunca Ukraina qanuniyetini semereli şekilde yerine ketirmek içün qolumızdan kelgenini yaparmız.

Sürgünlik qurbanlarınıñ ruhları şad olsun!

Qalğanlarğa qaviy sağlıq!

Bütün qırımtatar halqına mertlik ve metanet tileymiz!