Körüşüv çerçivesinde Anton Korınevıç BM agentlikleri ile işbirlikke ve olarnıñ vastalarını insan aqlarınıñ bozuluvı saasında işletilüvine emiyet berdi. «Ukrainanıñ vaqtınca işğal etilgen Qırım MC ve Aqyar şeerinde insan aqları saasında vaziyet» mevzusında yañılanğan ve quvetleştirilgen qarar leyhasına ayrıca diqqat etildi.
Ukraina Prezidentiniñ Qırım MC-deki Daimiy Temsilcisi Anton Korınevıç işdeşlerini vaqtınca işğal etilgen topraqlarnıñ sakinleri ile bağlarnı saqlamaq içün Ukraina tarafından yapılğan areketler aqqında haberdar etti: Temsilcilik vaqtınca işğal etilgen topraqlarnıñ sakinleri içün onlayn hızmetleri, vaqtınca işğal etilgen Qırım yarımadasında yüz bergen doğuv ve ölüm adiselerini tasdıqlağan ukrain vesiqalarınıñ qolayli şekilde alınması içün qanunlarğa deñişmeleri üzerinde faal şekilde çalışmaqtadır. Bundan ğayrı, memleket içinde avuşqanlar içün ev-mesken leyhaları aqqında haber etti. Bunınen beraber Ukrainada keçici devirde adalet vastalarınıñ amelge keçirilüviniñ müimligi muzakere etildi.
Vaqtınca işğal etilgen Qırımda COVİD-19 salğını neticesinde yüz bergen gumanitar buhran da körüşüv esnasında muzakere etilgen mevzulardan biridir.