Vatandaşlarımıznı taqip etken, Rustem Emirüseinovnı, Arsen Abhayirovnı ve Eskender Abdulganiyevni azatlıqtan marum etken RF akimiyetiniñ areketleri arbiy cinayettir, Rusiye akimiyetiniñ ve işğalci memuriyetiniñ er bir temsilcisi işbu cinayet içün ertemi, keçmi, mesüliyetke çekilecektir. Bügünde-bügün Ukraina işbu cinayetlerniñ qayd etilmesi, tafsilâtlı şekilde yazılması ve taqiq etilmesi içün qolundan kelgenini yapmaqta. Vaqtınca işğal etilgen Qırım yarımadasında insan aqları, tamır qırımtatar halqınıñ aqları kütleviy şekilde bozulğanı aqqında bütün dünya bilmeli.

Kreml tarafından esir tutulğan yüzlernen reinelerniñ azat etilmesi içün küreşir ekenmiz, olarnıñ ve aileleriniñ devletten muntazam sürette uquqiy, içtimaiy ve ruhiy qol tutuv almaları içün qolumızdan kelgenini yapmaq, bizim içün pek müim arekettir. Temsiclik, vaqtınca işğal etilgen topraqlarnı ğayrıdan integratsiya etüv meseleleri boyunca Nazirlik ve uquq qorçalav teşkilâtları beraberlikte mütenasip qanun leyhasını azırlap, onıñ qabul etilmesi üzerinde çalışmaqtalar”, – dep izaatlay çıqarılğan ükümni Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşeva.