”Sanktsiyalarnıñ işletilmesi içün esaslar ile şartlarnıñ kenişletüv meselesi ve sanktsiyalarnıñ çeşitleri” mevzusında çıqışnıñ esas iddialarını derc etemiz 
MESELE Ukraina qanuniyeti ve sanktsiyalar siyaseti ciddiy şekilde mükemmelleştirilüvge muhtac. Ukraina işletken sanktsiyalarnıñ semereligi al-azırda teşkerilmey, mütenasip neticeleri qayd etilmey
ÇEZİLÜV YOLU: Sanksiyalarnen bağlı qanuniyetniñ mevzuatı deñiştirilmeli, sanktiyalarnıñ manası ve mündericesi, olarnıñ er ayrı alda işletilüviniñ maqsadı, qarar berme ceryanı ve olarnı yerine ketirüv vastaları belgilenmeli. İşletilgen sanktsiyalarnıñ istilâcı devletke kerçek tesirini ve şu cümleden Ukrainanıñ özüne ketirilgen zararınıñ kölemini añlamaq maqsadınen sanktiyalarnıñ semereligini nezaret etüv. Sanktsiyalarnıñ işletilüvi cezalav degil de, maqsadnıñ yerine ketirilmesi içün yapılğan basqıdır, yani, başqa sözlernen aytqanda, sanktsiyalar altında bulunğan şahıs, bu sıñırlayıcı tedbirlerden qurtulması içün neler yapmaq ya da yapmamaq kerek olğanını añlamalıdır.
MESELE: İşletilgen sanktiyalarnıñ semereligini nezaret etken yoruqnıñ ve mehanizmniñ, em de sanktsion tertibiniñ bozulması içün mesüliyetniñ yoqluğı. Böyle vaziyet devlet sanktsion siyasetiniñ itibarını tüşüre, faydasını eksilte, mütenasip allarda halqara-uquqiy yardımnıñ celp etilmesini qıyınlaştıra.
ÇEZİLÜV YOLU: İşletilgen sanktsiyalarnıñ semereligini muntazam şekilde nezaret etüv, sanktsiyalar tertibiniñ bozulması içün mesüliyetke çeküv vastalarnı ve tertibini belgilev ve qanuniyette pekitüv (şu cümleden, palamentte 400 sanlı qanun leyhası 01.09.2020 qayd etildi, işbu qanun leyhası ekinci diñlevge azırlanıp, qabul etile bile).
MESELE: Mahsus sıñırlayıcı tedbirlerniñ (sanktsiyalarnıñ) işletilmesi içün lâzim olğan identifikatsion (şahsiy) malümatlarlarğa dair açıq-aydın cedveliniñ yoqluğı işbu sanktiyalarnıñ adaştırılıp başqa şahısqa nisbeten işletilüvine ya da qabul etilgen sıñırlamalarnıñ lâğu etilmesine ketire bile
ÇEZİLÜV YOLU sıñırlayıcı tedbirlerniñ (sanktsiyalarnıñ) işletilmesi içün açıq-aydın identifikatsion (şahsiy) malümatlar cedveli ve (misal olaraq, bir de bir şahıslarnıñ FSB, GRU hadimleri olğanları içün şahsiy malümatları istilâcı devlet tarafından gizlengen alda) mütenasip talaplarğa istisnalar yapılması şartlar uquqiy-normativ şekilde beliglenmeli.
MESELE: sanktiyalarnıñ qabul etilmesini talap etken teşebbüsçiler arasında qarşılıqlı bağnıñ yoqluğı sebebinden sanktsion cedveline aynı şahıslar bir qaç teşebbüsçiler tarafıdan teklif etile. Teşebbüsçiler tarafından sanktsiyalarnıñ teklif etilmesi ve Ukraina milliy havfsızlıq ve mudafaa şurası tarafından final sanktsion cedveliniñ qabul etilmesi arasındaki müddet pek uzun.
ÇEZİLÜV YOLU: Sanktiyalarnı qabul etüv ceryanınıñ mükemmelleştirilüvi. Teklif etilgen uquqiy fe fizikiy şahsılarnıñ Ukraina milliy havfsızlıq ve mudafaa şurası tarafından qabul etilgen final sanktsion cedveline kirsetilmesi içün Ukraina milliy havfsızlıq ve mudafaa şurası ile vekâletli müessiseler arasında daimiy bağnıñ qurulması.
MESELE: Mahsus sıñırlayıcı tedbirlerge (sanktsiyalarğa) dair halq ögünde Yekâne qaydnıñ teşkil etilmesi ve alıp barılması içün uquqiy temelniñ yoqluğı bir sıra problemler yarata: bir de bir şahıslarnıñ sanktsion cedvelinde olup-olmamasınıñ teşkerilüvini qıyınlaştıra, yañı sanktsion cedveline eskisinden artqaç (misal olaraq, vefat etken şahıslar) keçirile, bazı şahıslar hata ile (insaniy faktor) ya da aselet (qaparcılıq sebebinden) sanktsion cedveline kirsetilmey.
ÇEZİLÜV YOLU: Mahsus sıñırlayıcı tedbirlerge (sanktsiyalarğa) dair halq ögünde Yekâne qaydnıñ teşkil etilmesi ile alıp barılması içün uquqiy temelni azırlamaq
MESELE: (BM Havfsızlıq Şurası, AŞPA ve başqa) halqara teşkilâtlar, çetel ortaqlar tarafından kirsetilgen halqara sanktsiyalarnıñ amelge keçirilüvine dair tedbirlerniñ keçirilmesi içün uquqiy ve teşkiliy esaslarnıñ yoqluğı.
ÇEZİLÜV YOLU: Halqara teşkilâtlar, çetel ortaqlar tarafından kirsetilgen halqara sanktsiyalarnıñ amelge keçirilüvine dair tedbirlerniñ keçirilmesi içün uquqiy ve teşkiliy esaslarnıñ azırlanması mütenasip şahıslarğa qarşı sanktiyalarnıñ halqara cemiyetniñ ortaqlaşıp amelge keçirilmesine hızmet eter. Böyleliknen Rusiye Federatsiyasınıñ Ukrainağa qarşı silâlı tecavüzi sebebinden yañı sanktiyalarnı kirsetüv, ya da bundan evelki sanktiyalarnı devam etüvge dair ortaq memleketlernen muzakere etüv esnasında Ukrainanıñ mevamı quvetleşecek.