İpoteka kreditleri Yañıdan quruv içün Kredit Teşkilâtı (KfW) tarafından 25,5 mln avro miqdarında ayırılğan grant esabına berilecektir.

Böyleliknen memleket içinde avuşqan şahıslarnıñ normativge köre bir kişige umumiy meydanlığı 21 kvadrat metr ve bir qorantağa qoşma olaraq 10,5 kvadrat metr esabından bir qorantağa umumiy meydanlığı 63 kvadrat metri olğan ve işletüvge qabul etilgen mesken içün qararnen 40 biñ avro miqdarında 20 yılğace yıllıq 3% kibi imtiyazlı şartlarnen kredit almaq imkânları peyda olur.

Bundan ğayrı, gençlik mesken qurucılığına qol tutuv Devket fondı ve onıñ yerli idareleri tarafından alınıp barılğan cedveller esasında ayrı nevbet teşkil etilecek. Cedvelge köre kreditler çoq qatlı evdeki dairege ya da bir daireli evge berilecek.
Leyha çerçivesinde 2021-2022 seneleri devamında memleket içinde avuşqan şahıslardan 680 qorantanı ya da 1768 şahısnı mesken ile temin etmek planlaştırıla.

Adaletli iştirak etüvni temin etmek maqsadınen yañı teşkil etilgen nevbetteki namzetler arasından ğalipler Ukraina qanunlarınıñ şahsiy malümatlarnı qorçalavğa dair talaplarına riayet etken şekilde program teminlev qullanıp, tesadufiy raqamlarnı saylağan generator vastasınen saylanacaqtır. Ğalipler kredit esabına satın alınacaq obyektlerni şahsen saylaycaqlar.

Tafsilâtlı malümat:
https://cutt.ly/fbiBFqj