Tedbir Qorçalav aqqı (Ukraina) ve Consortium Legal Aid Georgia (Gürcistan) tarafından teşkil etildi. Tedbirde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç iştirak etip, keçici devirde adliye Kontseptsiyasınıñ milliy şekline dair çıqışta bulundı. Bundan ğayrı Temsilcilik hadimi Vladıslav Miroşniçenko Temsilcilikniñ memleket içinde avuşqan şahıslarnıñ aqlarına riayet etüv saasında teşebbüslerini tarif etti.
”Ukraina Prezdentiniñ Qırım Muhtar Cumhuriyetindeki Temsilciliginiñ ilk nevbetteki vazifeleri aqqında” Ukraina Prezidenti tarafından imzalanğan 160/2021 sanlı Fermanğa dair, vaqınca işğal etilgen Qırım MC ve Aqyar şeeri topraqlarından memleket içinde avuşqan şahıslarnıñ aqlarına riayet etüv Temsilcilikniñ faaliyetinde ilk nevbetteki vazifelerden biridir.
Temsilcilik memleket içinde avuşqan şahıslarnıñ aqlarına riayet etüvnen bağlı bir sıra tedbirlerde faal iştirak etti. Misal olaraq, Ukraina Prezidentiniñ teşebbüsi üzerine Temsilcilik, Ukraina infraterkip Nazirligi, Herson vilâyeti devlet memuriyeti, başqa devlet akimiyeti organları ve iş adamları ile beraberlikte ”Çonğar” ve ”Qalançaq” KÇNN-da oñaytlı şaraitler yarattı (kiriş-çıqış saaları yañartıldı, memuriy hızmet merkezleri açıldı).
Bundan ğayrı, 2021 senesi saban ayınıñ 11-de Ukraina Prezidenti tarafından tasdıqlanğan ”Vaqtınca işğal etilgen Qırım MC ve Aqyar şeeri topraqlarını işğalden azat etüv ve ğayrıdan integratsiya etüv Strategiyasında” ”memleket içinde avuşqan şahıslarnıñ meselelerini çezüv, vaqtınca işğal etilgen topraqlarnı ğayrıdan integratsiya etüvniñ bir şartı” olaraq qayd etilgen edi ve Ukraina memleket içinde avuşqan şahıslarnıñ aq-uquqlarına, serbestliklerine ve qanuniy menfaatlarına riayet etilmesini kefil etmektedir.
Memleket içinde avuşuv saasında ve keçici devirdeki adalet çerçivesinde Gürcistan ile Ukrainada memleket içinde avuşqan şahıslarnıñ aq-uquqlarına riayet etüv ile bağlı müsbet ve menfiy tecribelerge dair ekspertler munaqaşası içün tedbirniñ teşkilâtçılarına, Ukraina ile Gürcistannı temsil etken iştirakçilerine minnetdarlığımıznı bildiremiz.