Devlet ve uquq qorçalav organlarınıñ, cemaat teşkilâtlarınıñ vekilleri beraberlikte Ukraina nezareti altında bulunğan topraqlarğa Ukraina vatandaşlarını qaytaruv oğrunda yapıla bilecek adımlarnı professional seviyede muzakere ettiler.
Ukraina Prezidentiniñ Qırım MC-deki Daimiy Temsilcisiniñ birinci muavini Darya Svırıdova tedbirde çıqışta bulunıp, vaqtınca işğal etilgen yarımadada azatlıqtan marum etilgen şahıslarnıñ aqlarını qorçalav meselesi ve işbu meseleniñ çezilüvinen bağlı çağıruvlar müim olğanını qayd etti. Bundan ğayrı, Temsilcilikniñ faaliyetine dair Ukraina Prezidentiniñ №160/2021 sanlı Femanı ile tasdıqlanğan Strategiyamızğa binaen, ilk nevbetteki vazifelerimiz arasında RF silâlı istilâsı neticesinde şahsiy azatlıqtan marum etilgen Ukraina vatandaşlarını qorçalavğa dair tedbirlerni amelge keçirüv ve insan aqlarınıñ ve serbestlikleriniñ bozuluvı aqqında halqara ortaqlarımıznı haberdar etüv de qayd etildi.
Qırım MC ve Aqyar şeeri Prokuraturasınıñ vekili öz nevbette işğalci devletniñ bu kibi areketlerine Ukraina Ceza Ködeksindeki 438 maddesiniñ 1 qısımı boyunca (cenk qanunlarını ve adetlerini bozuv) muhtariyet prokuraturası arbiy cinayet olaraq qıymet keskenini bildirdi, çünki olar cenk esnasında grajdan ealini qorçalavğa dair 1949 senesi qabul etilgen IV Jeneva Qararnamesini ciddiy şekilde bozmaqta. 2014 senesi yarımada topraqlarında Devlet ceza-icra hızmetininiñ 5 müessisesinde tutulğan 3258 şahıs buluna edi.
Mahkemeden evel yapılğan taqiqat esnasında RF topraqlarında cezalarını çektirmek maqsadınen qanunsız şekilde 464 Ukraina vatandaşı avuştırılğanı belgilendi. Aynı vaqıtta olar uzaqtaki topraqlarğa avuştırıldı, neticede mabuslarnıñ ailelerinen bağları üzüle, olar munasip olmağan şartlarda buluna bile, vaqtında zarur tıbbiy yardımnı alamay ve semereli şekilde öz aqlarını qorçalap olamay.
Keçirilgen oturışuvnıñ neticesi olaraq iştirakçiler kelecekte işlenecek, uyğunlaştırılacaq ve ”Regional Center for Human Rights” merkeziniñ mütenasip areketlerinde beyan etilecek bir sıra tekliflerinen paylaştılar.
Qırım Muhtar Cumhuriyeti ve Aqyar şeeri Prokuraturası tarafından çektirilgen resim