Osman Arifmetov 1985 senesi Özbekistanda dünyağa keldi. Beş yaşında olğanda, qorantası tarihiy vatanı – Qırımğa qaytıp oldı. Osman aliy tasilini V. İ. Vernadskiy Tavriya milliy universitetinde “Riyaziyat” bölüginde aldı. Soñra repetitor olıp çalıştı, balalarnı imtianlarğa azırladı ve programmalamağa ögretti.

2014 senesi Qırım Rusiye tarafından işğal etilgen soñ, o, vatandaş jurnalistikasınanen oğraşmağa başlay. Osman “Qırım Birdemligi” teşebbüsine qoşulıp, işğalci akimiyeti tarafından taqip etilgen qırımtatarlarnıñ sesi oldı. O, qanunsız tintüvler, hırsızlavlar ve faallerge qarşı mahkeme davalarını qayd etti. Onıñ ustazı Narіman Memedeminov edi. Memedemenov, yaş jurnalistlerni apis cezası telükesine baqmadan, kameranı alıp, aqiqatnı aydınlatmağa teşviq etken qırımtatar areketiniñ timsallerinden biridir.

2019 senesi mart ayında Osman qırımtatarlarğa qarşı eñ büyük repressiyalar dalğası vaqtında apiske alındı, o vaqıt 20-den ziyade faalni tutıp alğan ediler. Onı terrorizm aqqında uydurılğan sözde “Ekinci Aqmescit gruppası” davasına kirsettiler.

2022 senesi Rusiye mahkemesi, onı 14 yılğa qadar sert rejimli koloniya cezasına mahküm etti. Osman davanıñ siyasiy sebeplerden uydurulıp, qırımtatar halqına qarşı sistemalı qorquzma ve tecrit etüv siyasetiniñ bir qısmı olğanını bildirdi. 

Uzun vaqıt devamında Aqmescit, rostov-na-donu ve novoçerkassk SİZOlarında tutılğan soñ, Arifmemetovnı Qırımdan 5 biñ kilometr uzaqlıqta bulunğan krasnoyarsk vilayetiniñ minussk apishanesine etap ettiler. Anda o, 22 kilogrammğa azdı, sağlıq vaziyetinden ve kerekli tibbiy nezaretniñ olmağanından şikâyet etti. 2025 senesinde onı rusiyeniñ orenburg vilâyetindeki koloniyağa avuştırdılar.

Basqı ve insaniyetsiz tutuluv şaraitlerine baqmadan, Osman yazmağa devam etti. Onıñ apishanede yazğan mektüpları ve qaydları “Menim sürgünligim” adlı kitapnıñ temeli oldı. Bu kitap, rusiye repressiyaları ve qırımtatarlarğa qarşı yapılğan basqılar aqqında acınıqlı şaatlıqtır. Kitapnı ukrain tiline Mariya Gorbaç tercime etti.

Osman Arifmetov tek jurnalist ve siyasiy mabüs degil, o, cesürlik ve Qırım işğaline cemaat tirenüviniñ timsali ola. Azatlıqtan marum etilmesine baqmadan, o, büyük zenaatdaşları ve dostlarınıñ tevsiyelerine sadıq qala: “sessizlik – cinayetniñ bir parçasıdır”.

Osman qorantasından ve evinden uzaqta apiste tutulmağa devam ete. Amma onıñ sesi demir parmaqlıqlardan daa küçlü: o, dünyağa rusiyeniñ cinayetleri ve qırımtatarlarnıñ azatlıq oğrunda küreşi devam etkeni aqqında hatırlata.