Operatsiya bir qaç ay devam etti ve köpürniñ suvastı ayaqlarınıñ minalanmasını közde tutmaqta edi. Bugün saba saat 4:44-te birinci patlav aleti çalıştırıldı. Patlayıcınıñ quvetligi trotil ekvivalentinde 1100 kg oldı. İlk tahminlerge köre, Qırım köprü fevqulâde vaziyette buluna.

Ukraina telükesizlik hızmetiniñ başı, general-leytenant Vasıl Malük, bu operatsiyanıñ planlaştırıluvını ve keçirilüvini şahsen özü idare etti.

“Tañrı üçni seve, SBU ise er vaqıt tüşüngenlerini soñuna qadar ömürge keçire ve iç bir vaqıt aynı şekilde areket etmey. Daa evel biz 2022 ve 2023 seneleri Qırım köprüne eki kere ücüm ettik. Onıñ içün bugünki künde bu adet endi suv altında devam ete. Rusiye Federatsiyasınıñ qanunsız obyektlerine devletimizniñ topraqlarında yer yoq. Şunıñ içün Qırım köprü – qanuniy maqsat, hususan duşman onı öz ordusını temin etmek içün logistik arteriya olaraq qullanğanını köz ögüne alsaq. Qırım – bu Ukraina, ve işğalniñ er angi numayışı bizim sert cevabımıznı alacaq”, – dep qayd etti Vasil Malük.

Qırım köprü, Qırım Muhtar Cumhuriyetiniñ vaqtınca işğal etilgen territoriyasında rusiye işğaliniñ ve arbiy bulunuvınıñ timsali olaraq qala. Onıñ sistematik olaraq ücüm etilmesi Ukrainanıñ topraq bütünligini ğayrıdan tiklev ve milliy telükesizligini temin etüv strategiyasınıñ bir qısmıdır.

Qırım – Ukrainadır. Vaqtınca işğal etilgen topraqlarda qanunsız obyektlerniñ bulunuv aqqı yoq, onıñ içün olarnıñ episi yoq etilecek.