2018 senesi oraq ayı (iyül) 3 künü Ukraina Devlet sıñır hızmetiniñ reberiyeti, regional akimiyet organları ve veteran-sıñırcılar Ukraina Devlet Sıñır Hızmetiniñ 79-ncı sıñır taqımınıñ 80-yıllığı munasebeti ile keçirilgen tantanalı tedbirlerde iştirak ettiler.

Rusiye tecavüzi başlanmasından evel Qırım yarımadasında Devlet sıñırını qorçalağan 79-ncı sıñır taqımı al-azırda vaqtınca işğal etilgen Qırım MC ile ayırıcı yolaqta öz vazifelerini becermekte. Ukraina Devlet sıñır hızmetiniñ Yolbaşçısı Petro Tsıgıkal askerlerni yıldönüm ile hayırlap, Ukraina Devlet sıñır hızmetini  tehnikiy-maddiy ceetten temin etüvde muvafaqiyetlerni qayd etti, ev-mesken ve munasip aylıq ile temin etüvde yañı adımlarnı tarif etti.

Ukraina Prezidentiniñ Qırım MC Daimiy Temsilcisi Borıs Babin taqımnıñ mukâfatlandırılğan arbiylerine Temsilcilikniñ fahriy yarlıqlarını taqdim etip, nevbetteki yıldönümni taqımnıñ daimiy yerinde, yani Aqmescitte beraber qayd etmekni tiledi.