2018 senesi saban ayı (mart) 28 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikte halqara alâqalar hızmetiniñ baş mesleatçısı Valeriya Pahomova Ukrainada AHIT Mahsus nezaret etici missiyanıñ mesleatçıları Yüzef Lang ve Andriy Kobzarenko ile iş körüşüvini keçirdiler. Körüşüv devamında AHIT Mahsus nezaret etici missiya tarafından gumanitar, ekologik, havfsızlıq, haber, tasil ve din saalarında keçerilgen nezaretniñ Ukrainanıñ vaqtınca işğal etilgen topraqlarınen bağlı hususiyetleri muzakere etildi.

Temsilcilikniñ kündelik faaiyeti, bu cümleden, Qırımda yaşağan Ukraina vatandaşlarına pasport vesiqalarını resmiyleştirüv, siyasiy mabüslerniñ qoranta azalarına mütenasip memuriy hızmetlerni aluvda yardım, Qırımnen qomşu olğan rayonlarda Memuriy hızmet merkezlerniñ teşkil etilüvi ve donatıluvı, Vadim stantsiyasına qadar demiryol vastasınen naqliyatnıñ ve KÇNN-nace qanuniy avtomobil taşımalarnıñ teşkil etilüvi de muzakere etildi. ‘‘Qalançaq’’ ve ‘‘Çonğar’’ KÇNN-nı minimal seviyede abanlaştırmaq kerek olğanına diqqat çekildi.