Sentyabr 13 künü Kıyiv şeerinde Ukraina haber siyaseti Nazirligi, Ukraina Prezidentiniñ Qırım MC Temsilciligi, Qırımtatar halqınıñ meseleleri boyunca Ukrayna Prezidentiniñ yardımcısınıñ hızmeti, Qırımtatar resurs merkezi ve Estoniya insan aq-uquqları institutı tarafından beraberlikte teşkil etilgen ”Tamır halqlarınıñ aq-uquqları aqqında BMT Deklaratsiyası qabul etilüviniñ yıldönümine bağışlanğan qırımtatar alem-aşkâre diplomatiyasınıñ yekünleyici tedbiri’’ serlevalı tögerek masanıñ oturışı olıp keçecek.

”Tögerek masanıñ” maqsadı – Ukraina içün Konventsiyanıñ aktualliginiñ muzakeresi, qırımtatar alem-aşkâre diplomatiyası boyunca 2-yıllıq leyhanıñ (2015-2017) neticeleriniñ taqdim etilüvi ve muzakeresi.

Tedbir iştirakçileri: Tamır halqlarınıñ meseleleri boyunca BMT Daimiy forumnıñ başlığı Mariam Uolet (UNPFII) – Skype vastasınen; Boris Babin – Ukraina Prezidentiniñ Qırım MC Daimiy Temsilcisi; Refat Çubarov – Qırımtatar halqı Milliy Meclis reisi; Eyt Kukk – Estoniya insan aq-uquqları institutınıñ müdiri; Emine Ceppar – Ukraina haber siyaseti Nazirliginiñ birinci nazir muavini; Oliver Loode – Estoniya insan aq-uquqları institutınıñ mesleatçısı; Eskender Bariyev – ‘‘Qırımtatar resurs merkezi” cemaat teşkilâtınıñ müdiri.