2019 senesi oraq (iyül) ayı 22 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Ukraina Ortodoks Kilisesi Qırım patrikhanesiniñ arhiyepiskopı Kliment ile iş körüşüvini keçirdi.

Körüşüv esnasında Anton Korınevıç ve arhiyepiskop Kliment vaqtınca işğal etilgen Qırımda yekâne ortodoks ibadethanesiniñ vaziyetini muzakere ettiler.

Aqmescit ve Qırım arhiyepiskopı Kliment, Ukraina Ortodoks Kilsesiniñ Qırım Patrikhanesi ile kira añlaşması soñuna yetkeni sebebinden, işğalci akimiyet Volodımır ve Olga katedral kilsesininiñ ‘‘binasını boşatmağa’’ talap etkenini haber etti.

Sübet esnasında arhiyepiskop Kliment Qırım işğalinden evel kilseniñ bütün yarımadada 49 ibadethanesi, bu cümleden, 25 faal diniy cemiyeti ve 20 papazı bar olğanına, şimdi ise yalıñız doquz ibadet yeri ile dört papazı qalğanına diqqat celp etti.