2018 senesi oraq ayı (iyül) 13 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikte halqara alâqalar hızmetiniñ baş mesleatçısı Valeriya Pahomova AQŞ Elçihanesindeki Siyasiy bölükniñ diplomatları Anton Kuper ve Briann Hayt ile iş körüşüvini keçirdiler.

Borıs Babin Qırımda yaşağan Ukraina vatandaşlarına berilgen memuriy hızmetlerni mükemmelleştirüv ve olarnıñ qanuniy aqlarını qorçalav saasında Temsilcilikniñ muvafaqiyetleri aqqında haber etti. Herson vilâyetiniñ Qırımğa yaqın olğan rayonlarında Memriy hızmet merkezleriniñ abadanlaştırıluvı ve donatıluvı boyunca Temsilcilikniñ faaliyeti, Herson vilâyetiniñ mesken yerleri ile KÇNN-lar arasında avtomobil vastasınen qanuniy taşımalarnı teşkül etüvniñ hususiyetleri muzakere etildi.

Körüşüv esnasında vaqtınca işğal etilgen topraqlarda yaşağan Ukraina vatandaşlarına bedava ekinci nevbet uquqiy yardımnı berüv ve vatandaşlıq vaziyetini resmiyleştirüv saalarında qanuniyetke kirsetilecek deñişmeler muzakere etildi.

Borıs Babin Ukrainanıñ vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele areket Planınıñ esas maddelerini tarif etti. Körüşüvniñ neticesi olaraq, taraflar kelecekte işbirlikniñ yollarını ve Acele areket Planını yerine ketirüvde AQŞ Ükümetiniñ yardımını belgilediler.