2019 senesi saban (mart) ayı 5 künü memleket içinde köçürilgen müessise ve teşkilâtlarnıñ Avropa Şurası standartları boyunca insan aqlarını qorçalav sistemasına tesir etüv imkânlarını mükemmelleştirmek maqsadınen Avropa Şurasından ”Ukraina içinde köçüv: uzun müddetli qararlarnı azırlav” leyhası çerçivesinde berilgen bedava tehnikiy yardım Temsilcilikke teslim etildi.

Mütenasip vesiqalar imzalanğandan ve donatuv Temsilcilikke teslim etilgenden soñ, Daimiy Temsilciniñ Birinci muavini İzet Gdanov ve Avropa Şurasınıñ Ukrainadaki Ofisinde milliy teşkilâtlar ile munasebetler meseleleri boyunca Yönetici Sergiy Maruşçenko nevbetteki işbirlik planlarını muzakere ettiler.