2018 senesi arman (avgust) ayı 10 künü Ukraina Prezidentiniñ Qırım MC Daimiy Temsilcisiniñ Birinci muavini İzet Gdanov ve Temsilcilikteki halqara alâqalar hızmetiniñ hadimleri, Azaq deñizinde balıqçılıq meselesi boyunca Ukraina-Rusiye Eyyetiniñ 2018 senesi Ukrainada keçirilecek nevbetteki XXX sessiyasına azırlıq boyunca muşaverede iştirak ettiler.

Muşaverede Ukraina Adliye Nazirliginiñ, Ukraina Çetel işler Nazirliginiñ, Ukraina agrar siyaseti Nazirliginiñ, Ukraina ekologiya ve tabiat resursları Nazirliginiñ ve Ukraina Devlet sıñır hızmetiniñ vekilleri de iştirak ettiler.

İzet Gdanov Azaq deñiziniñ suvlarında arbiy küçlerni ve havfsızlıqnı quvetleştirmege kerek olğanını qayd etip, Qırımnıñ işğali şaraitlerinde Rusiye tarafından muntazam sürette bozulğan Ukraina ile Rusiye arasındaki balıqçılıq saasında añlaşmalarnıñ devam etüvi boyunca öz şübelerinen paylaştı.