Angela Merkel ile körüşüvi esnasında, Petro Poroşenko Azaq deñizinde ve Keriç boğazında vaziyetniñ kerginleşüvi telükesini muzakere etti.

‘‘Rusiye tarafını halqara uquqqa riayet ettirmek içün qolumızdan kelgenini yapamız’’, – dep qayd etti devletimizniñ Başlığı.

Prezident Petro Poroşenko, Azaq deñizinde ve Keriç boğazında vaziyet boyunca Birleşken Milletler Teşkilâtınıñ Rezölütsiyasına qol tutqan ortaqlarına Ukraina minnetdar olğanını qayd etti ve yuqarıda añılğan vesiqağa qol tutuv içün Almaniya Kantslerine de öz minnetdarlığını bildirdi.

‘‘BMT ve BMT Havfsızlıq Şurasınıñ Rezölütsiyasına qoşulmaq qararını alğanları içün Almaniya ile Frenkistanğa öz minnetdarlığımnı bildirmege isteyim. Asılında bular da, regionımızda tınçlıqnı temin etmek içün halqara teşkilâtlar platformasını qullanuv boyunca areketlerdir. Sizge pek minnetdarım, Kantsler hanım’’, – dep qayd etti Prezident.