2018 senesi fevral 21 künü Ukraina Prezidentiniñ Qırım MC Temsilciliginiñ Qırım MC işğalden azat etilüvi ve ğayrıdan integratsiyası boyunca hızmetiniñ baş mesleatçısı T.V. Pokidko, Herson vilâyeti Geniçesk rayonı Sçastlivtsevo koy şurasınıñ daveti ile belli qırımtatar siyasiy erbabı, 1917 senesi ilân etilgen Qırım Halq Cumhuriyetiniñ başlığı, birinci Qurultaynıñ teşkilâtçısı, Qırım, Litva, Poloniya ve Aqrusiye musulmanlarınıñ birinci müftisi Noman Çelebicihannıñ hatıra aqşamında iştirak etti.
Merasim yerli medeniyet evinde sıcaq ve dostane şaraitte keçti. Öz toprağını sevgen, ayatını qırımtatar halqınıñ serbestliği içün feda etken kerçek vatanperverniñ hatırasına sanadan qırımtatar ve ukrain tilinde sözler, yırlar ve şiirler yanğıradı. Tedbirde yerli bala oyun ve sport taqımları, yerli cemaatnıñ temsilcileri ve Geniçesk rayon devlet memuriyetiniñ hadimleri iştirak etti.