2018 senesi saban ayınıñ (mart) 14 künü Ukraina Prezidentiniñ Qırım MC Temsilciliginiñ Qırım MC işğalden azat etilüvi ve ğayrıdan integratsiyası boyunca hızmetiniñ baş mesleatçısı T.V. Pokidko Ukrain gönüllisi kününiñ çerçivesinde Geniçesk rayon medeniyet eviniñ bediy salonında keçirilgen qadın-qızlar forumında iştirak etti.

Geniçesk rayon memuriyeti tarafından teşkil etilgen merasim sıcaq ve dostane şaraitte keçti. Forum iştirakçileri Ukrainada barışıq, devletimizniñ territorial bütünligi ve egemenligi içün küreşte qadın-qızlarnıñ müim rölüni qayd ettiler. Forumda bulunğanlar tamam 4 yıl evelsi saban ayınıñ künlerinde başlanğan Qırımnıñ işğalini ve bundan soñ cesür ve milliy menfaatlarğa sadıq olğan ukrainalılar tuvğan topraqnı qorçalamaq maqsadınen Ukrainanıñ Şarqına yol alğanlarını hatırladılar.

Temsilcilikniñ hadimi öz çıqışında forumnıñ iştirakçilerini hayırlap, böyle merasimlerniñ bütün merametli insanlarnıñ birleşüvi içün pek müim olğanını qayd etti, yarımadanıñ qanunsız işğaline qarşılıq kösterüvde qırımtatar qadın-qızlarınıñ rölüni hatılattı. Forum Geniçesk rayon memuriyeti tarafından teşkil etildi. Tedbirde Qırımtatar Milliy Meclisiniñ, vilâyetteki cemaat teşkilâtlarınıñ, yerli cemiyetlerniñ temsilcileri em de başqa faal ve lâqayd qalmağan qadınlar iştirak etti.