Oktabr 31 künü 2017 senesi Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin ve onıñ birinci muavini İzet Gdanov BMT-nıñ Ukrainada insan aqlarını közetüv missiyasınıñ temsilcileri Mark Bajanik, Maksim Popoviç ve Vitaliy Hilko ile iş körüşüvni keçirdiler.

Körüşüv devamında vaqtınca işğal etilgen yarımadada insan aqlarınıñ bozuluvı meselesi muzakere etildi. Daimiy Temsilci BMT-nıñ közetüv missiyasınıñ hadimlerine Temsilcilikniñ faaliyetini tarif etip, böyle körüşüvlerniñ ayda bir keçirilmesi kerek ve faydalı olğanını qayd etti. Bundan da ğayrı, Ukraina devletiniñ ve qırımtatar halqınıñ medeniy asabalığınıñ yoq etilüvi, misal olaraq, Bahçasaraydaki Hansaraynıñ vaziyeti tarif etidi.