Oktyabr 20 künü 2017 senesi Ukraina Prezidentiniñ Qırım Muhtar Cumhuriyetindeki Daimiy Temsilcisi Boris Babin Birleşken Milletler Teşkilâtınıñ (BMT) Qaçaqlar işleri Yuqarı Komissarı idaresiniñ (QIYKI) vekili Asel hanım Ormonova ile körüşti. 

Körüşüv devamında BMT Qaçaqlar işleri Yuqarı Komissarı idaresi tarafından vaqtınca işğal etilgen topraqlarınıñ sıñırında yerleşken kirişçıqış nezaret noqtalarına, sıñırğa yaqın olqan rayonlarnıñ meskün yerlerinde ve Herson şeerinde pasportlaşmanen bağlı memuriy hızmet merkezlerine kelecekte tehnikiy yardım kösterilmesiniñ ameliy yolları muzakere etildi. Körüşüv iştirakçileri, BMT QIYKI tarafından kösterilgen halqara maddiy yardımınıñ qullanuvında yerli seviyede yüz bergen ayrı nuqsanlarnı yoq etmek maqsadınen işbirlik teşkil etmege ve bu yardım neden ibaret olup kimge lâyıq olğanını beraberlikte belgilemege añlaştılar.

Daimiy Temsilci, BMT QIYKI vekiline kiriş-çıqış nezaret noqtalarınıñ ve vaqtinca işğal olunğan topraqlarnıñ sakinlerine Ukraina qıta qısmında berilgen memuriy, naqliy ve tasil hızmetlerniñ insan aq-uquqlarına riayeti, 2017 senesi avgust-oktyabr ayları devamında Temsilcilik tarafından teşkerilgeni aqqında tarif etti.