Ukraina Prezidentiniñ Qırım MC-deki Temsilciligi, al-azırda bütün KÇNN-lar adetteki şekilde çalışqanını, sıñırlamalardan yalıñız özüni etraf müitten ayıruv içün ”Evde areket et” ilâvesiniñ çalıştırılması talap etilgenini hatırlata. Ükümet qararındaki deñişmeler yalıñız KÇNN-lar tekrar qapatılsa, memuriy sıñırnıñ keçüvi içün ruhset bergen insaniy sebeplerni UNŞ mütenasip qararında pekitip, sıñırdan keçüvni qolaylaştırmalıdır.
”Evde areket et” ilâvesini işletüv tertibi:
https://www.facebook.com/ppu.
Ukraina Prezidentiniñ Qırım MC-deki Temsilciligi Qararnıñ qabul etilmesini alğışlay ve Ukrainanıñ vaqtınca işğal etilgen topraqlarını ğayrıdan integratsiya etüv meseleleri boyunca Nazirlikke Qararğa yapılğan deñişmeler üzerinde taqımımıznıñ ekspertleri ile beraberlikte çalışqanı içün öz minnetdarlığını bildire.
Bundan ğayrı, Ukraina devlet sıñır hızmeti ile Ükümet qararı seviyesinde işbirlikniñ tasdıqlanuvı ve quvetleştirilüvi de müsbet haberlerden biridir. Sıñırlamalar kirsetilse, Ukraina devlet sıñır hızmetiniñ Memuriyeti er kün Temsilcilikke KÇNN-nı keçken şahıslarnıñ ve naqliyat vastalarnıñ miqdarı ve keçüvge ruhset bergen insaniy sebepler aqqında haber etecektir.
KÇNN öz faaliyetlerini vaqtınca toqtatsa, işbu insaniy sebepleri olğan şahıslar memuriy sıñırdan keçe bile:
- qoranta azalarınıñ eñ azından birinde insaniy sebep olsa, başqa qoranta azaları da qorantanıñ birleşmesi maqsadınen nezaret etüv noqtasından keçe bile. Ukrainanıñ vaqtınca işğal etilgen topraqlarında ya da Ukrainanıñ başqa bir de bir qısımında ana-babasından ayrı (anası, ya da babasından ayrı) bulunğan balalarnıñ ana-babası nezaret etüv noqtasından keçe bile.
- qanuniy şekilde vaqtınca işğal etilgen Qırım Muhtar Cumhuriyetinde ya da Aqyar şeerinde yaşap, evlerine qaytqan Ukraina vatandaşları ve olarnıñ qoranta azaları, naqliyat vastaları, yükleri ve başqa mülkiyetleri – Ukrainanıñ vaqtınca işğal etilgen topraqlarına keçe bileler
- qanuniy şekilde vaqtınca işğal etilgen Qırım Muhtar Cumhuriyetinden ya da Aqyar şeerinden tış yaşağan, ya da memleket içinde avuşqan şahıslarnı qayd etüv aqqında malümat kâğıtına dair aqiqaten Qırım Muhtar Cumhuriyetinden ya da Aqyar şeerinden tış yaşap, evlerine qaytqan Ukraina vatandaşları ve olarnıñ qoranta azaları, naqliyat vastaları, yükleri ve başqa mülkiyetleri – Ukrainanıñ vaqtınca işğal etilgen topraqlarını terk ete bileler.
- yaqın aqrabaları ağır hasta olsa, ya da vefat etken şahıslar;
şiddetli ve / ya da hronik (şu cümleden, insulinge bağlı diabet, kanser, antiretroviral, antituberkulöz) hastalıqlarınıñ - tedaviylenmesine, ilaç ve tıbbiy cihazlarnen temin etilmesine muhtac olğanlar;
Ukrainanıñ vaqtınca işğal etilgen topraqlarından başqa devlette daimiy şekilde ya da vaqtınca yaşamaq aqqını tasdıqlağan vesiqalarğa saip olğan şahıs;
- 16 yaşını toldurmağan bala, şahısını belgilegen ve Ukraina vatandaşlığını tasdıqlağan vesiqalarnı resmiyleştirüv maqsadınen anası ya da babası (onı evlâtlıqqa alğan kişi), vasiyi, ya da başqa qanuniy temsilcilsiniñ refaqatında nezaret etüv noqtasından keçe bile;
oquv yurtına oqumaq, zenaat-ameliy tasilni almaq, yekünleyici devlet sınavlarında (şu cümleden, mustaqil tışqı baalavda, zenaat, zenaat-tehnikiy tasil alğanlar içün sınavlarda, teşkiliy-tehnologik ceryanlar, mustaqil tışqı baalavlar vastasınen, istisal etüv yerlerinde ameliy azırlıq tedbirlerge azırlanuv, laborator işler ve simulâtor şekilinde keçirilgen kiriş sınavlarda, aliy tasil alıcıları içün imtianlarda ve mütenasip tedbirlerde) iştirak etmek, tasil aqqında malümat kâğıtlarını almaq, yetişkenler içün tasil ile bağlı olğan oquv ceryanında iştirak etmek maqsadınen tasdıqlayıcı vesiqaları olğan şahıslar nezaret etüv noqtasından keçe bileler;
- milliy menfaatlarnı qorçalamaq, ya da halqara mecburiyetlerni yerine ketirmek maqsadınen vaqtınca işğal etilgen Qırım MC ve Aqyar şeerini ziyaret etken Ukrainadaki halqara müessiselerniñ, teşkilâtlarnıñ, gumanitar missiyalarnıñ, konsullıqlarnıñ vekilleri, olarnıñ naqliyat vastaları ve başqa mal-mülkleri;
- mirasını qabul etmek maqsadınen;
- nezaret etüv noqtasından bir de bir tarafqa deral keçmesini talap etken, nezaret etüv noqtasından keçmesi içün başqa insaniy sebepleri olğan, ayatınıñ ya da sağlığınıñ telüke altına qoyulmamasına yol bermemek maqsadınen ketmege mecbur olğan, ya da aqları bozulğan (şu cümleden, Ukrainanıñ vaqtınca işğal etilgen topraqlarında taqip etilgen) şahıs.
İnsaniy sebeplerniñ mevcutlığı mümkün olğan allarda vesiqalarnen tasdıqlanmalı.
KÇNN-dan keçüv ile bağlı başqa sualleriñiz ya da yardımğa ihtiyacıñız olsa, Ukraina Prezidentiniñ Qırım MC-deki Temsilciliginiñ muracaatlar hızmetine muracaat ete bilesiñiz:
Qırım sakinleri Viber ve WhatsApp vastasınen muracaat etebilecek cep telefon nomerası deñişti: +380675476575
Temsilcilikniñ muracaatlar hızmetiniñ diger alâqa vastaları:
vatandaşlarnıñ muracaatları içün poçta adresi: Herson şeeri, Uşakov caddesi, 42
0 800 502 192 nomeralı bedava «sıcaq ağ» telefonı
Skype ağında ark predstavnictvo adlı qullanıcı
[email protected] elektron menzili.