Ziyaret çerçivesinde Herson vilâyeti devlet memuriyetiniñ Başlığı Sergiy Kozır, Herson vilâyeti şurasınıñ Başlığı Oleksandr Samoylenko ile körüşüvler ötkerildi.
Elçiler Ukraina Prezidentiniñ Qırım Muhtar Cumhuriyetinindeki Daimiy Temsilcisi Anton Korınevıç ile beraberlikte vaqtınca işğal etilgen Qırım Muhtar Cumhuriyeti ve Aqyar şeeri topraqları ile memuriy sıñırındaki ”Qalançaq” KÇÇN-nı ve Herson şeerindeki Memuriy hızmet merkezini ziyaret ettiler, bundan ğayrı, Qırımdan memleket içinde avuşıp, Herson vilâyetinde yaşağan şahıslar ve tamır qırımtatar halqınıñ vekilleri ile körüşüv ötkerildi.
Bundan da ğayrı, Qırım Muhtar Cumhuriyeti ve Aqyar şeeri Prokuraturasınıñ teşebbüsi ile ve Ukraina Prezidentiniñ Qırım Muhtar Cumhuriyetindeki Temsilciligi, Ukraina Yuqarı Şurası insan aqları boyunca Vekâletlisiniñ Qırım MC ve Aqyar şeeri sakinleriniñ aqlarına riayet etüv boyunca Temsilcisi İrına Verigina, vaqtınca işğal etilgen Ukraina topraqlarını ğayrıdan integratsiya etüv meseleleri boyunca Nazirlikniñ Herson vilâyetindeki Sektorınıñ reberi Denis Çıstikov, Qırım SOS ve Regional Center for Human Rights cemaat teşkilâtlarınıñ iştiragi ile ”Qalançaq” KÇÇN-da vaqtınca işğal etilgen Qırımda yaşağan vatandaşlar içün üzerinde mütenasip devlet ve uquq qorçalav organlarınıñ (ve şu cümleden Temsilcilikniñ), uquq qorçalav teşkilâtlarınıñ kontaktları bulunğan informatsion stend yerleştirildi.
Böyle kontakt malümatlarnıñ KÇNN-nıñ özünde yerleştirilmesi pek müimdir.
Temsilcilik Ukrainanıñ topraq bütünligine ve egemenligine qol tutıp, vaqtınca işğal etilgen topraqlarda yaşağan Ukraina vatandaşlarına qol tutuvlarını bildirgen Avropa Birliginiñ Ukrainadaki Fevqulâde ve Vekâletli Elçisi, Ukrainada AB Temsilciliginiñ başlığı Matti bey Maasikas, Hırvatistan Cumhuriyetiniñ Ukrainadaki Fevqulâde ve Vekâletli Elçisi Anitsa hanım Camiç ve Sloveniya Cumhuriyetiniñ Ukrainadaki Fevqulâde ve Vekâletli Elçisi Tomaj bey Mentsinge minnetdarlığını bildire.
Bundan ğayrı Temsilcilik ziyaretni azırlamağa yardım etken Herson vilâyeti devlet memuriyetine, Ukraina devlet sıñır hızmetiniñ Herson sıñır bölügine ve Qırım Muhtar Cumhuriyetini ve Aqyar şeerini işğalden azat etüv yolunda faaliyet yürsetken, yardımda bulunğan er keske minnetdarlığını bildire.