Diñlevler Ukraina Yuqarı Şurasınıñ Tışqı siyaset ve parlamentler arası işbirlik boyunca komiteti, Ukraina Yuqarı Şurasınıñ İnsan aqları, Ukrainanıñ vaqtınca işğal etilgen Donetsk ve Lugansk vilâyetlerinde, Qırım Muhtar Cumhuriyetininde ve Aqyar şeerindeki topraqlarını işğalden azat etüv ve ğayrıdan integratsiya etüv, milliy azınlıqlar ve halqara munasebetler meseleleri boyunca komiteti ve Ukraina Yuqarı Şurasınıñ Milliy havfsızlıq, mudafaa ve istihbarat meseleleri boyunca komiteti tarafından teşkil etildi.

”Diñlevler semereli şekilde keçti, çeşit türli devlet organlarınıñ vekilleri ve ekspetler Qırım MC ve Aqyar şeerini işğalden azat etüvniñ tışqı siyasiy yönelişke dair fikirlerinen paylaştılar, vaqtınca işğal etilgen yarımadadaki vaziyetke dair malümat ve ”Qırım platformasınıñ” yerine ketirilüviniñ hususiyetleri taqdim etildi. Qırımnı işğalden azat etüv ve ğayrıdan integratsiya etüv meselelerine Parlament tarafından ayırılğan diqqatnıñ emiyeti büyüktir. ”Qırım platforması” öz faaliyetini mütenasip ve semereli şekilde yürsetmesi içün, devletimiz öz vazifelerini becerip, halqara ortaqlarımızğa Ukrainanıñ Qırım MC ve Aqyar şeerini işğalden azat etüv ve ğayrıdan integratsiya etüv yönelişinde çalışmağa azır olğanını köstermeli”, – dep izaatladı bugün video konferentsiya şekilinde keçirilgen parlament diñlevlerini Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi.

Diñlevlerge dair tolu video leyhasını bu yerde baqmağa mümkündir: https://cutt.ly/2jS9VFf

Foto menba: https://cutt.ly/EjS98zX