Bu kün 2007 senesi qural aynıñ 21-de Ukraina Prezidenti tarafından imzalanğan ” Büyük terror – 1937-1938 seneleri kütleviy siyasiy cezalavlarnıñ 70-nci yıldönümi munasebeti ile tedbirler aqqında” 431/2007 sanlı Emiri ile ilân etilgen edi.

Ukraina tarihınıñ şu deşetli saifesinden berli 80 yıldan ziyade müddet keçkenine baqmadan, siyasiy cezalavlardan zarar körgen ve körmege devam etken şahıslarnı qorçalav meselesi hususan vaqtınca işğal etilgen Qırım Muhtar Cumhuriyeti ve Aqyar şeeri topraqlarında öz aktualligini ale daa coymadı.

İnsan aqlarını kütleviy sürette bozuv, qanunsız tintüvler, yaqalavlar, insaniyetsiz davranuv, qıynavlar ve uydurılğan qabaatlavlarğa esaslanıp, ükümlerni çıqaruv, vaqtınca işğal ile razı olmağan ya da bir-de-bir şekilde grajdan faalligini numayış etken vatandaşlarımızğa qarşı işğalci memuriyet tarafından işletilgen vastalardır. Cezalavlardan ekseriy allarda ukrain ve öz toprağında reinelerge çevirilgen, ya da kerçek siyasiy cezalav telükesi sebebinden işğal etilgen Qırımnı terk etmege mecbur olğan qırımtatarlar qıynala.

Biñlernen Ukraina vatandaşları grajdan mevamları, söz serbestligini, baqışlarını, fikirlerini, diniy mensübiyetlerini numayış etkenleri ya da jurnalistik faaliyetinen oğraşqanları içün taqip etüvge oğratıldı. Yüzden ziyade vatandaşımız vaqtınca işğal etilgen Qırım Muhtar Cumhuriyeti ve Aqyar şeeri topraqlarında ya da Rusiye Federatsiyasındaki apishanelerde tutula.

Onıñ içün siyasiy cezalavlarnıñ qurbanlarını añma Kününde yalıñız tarihiy adiselerni hatırlamaqnen ve keçmişteki qurbanlarnı añmaqnen yetinmeyip, künlerimizde böyle vaqialarnıñ tekrarlanması oğrunda devamlı şekilde çalışmaq kerekmiz.